Vogue-მა რონალდუსა და ჯორჯინას ქორწილის ექსკლუზიური ფოტოები გამოაქვეყნა

კრიშტიანუ რონალდუმ და ჯორჯინა როდრიგესმა კაშკაიშში მდებარე საკუთარ სახლში, მხოლოდ ოჯახის წევრებისა და 4 მოწმის გარემოცვაში, ფარულად იქორწინეს. ქორწინების ექსკლუზიური ფოტოები Vogue-მა გამოაქვეყნა.

ცერემონია 11 აგვისტოს გაიმართა - წყვილის პირველი შეხვედრიდან ზუსტად 10 წლის თავზე. მაშინ ჯორჯინა მადრიდში, Gucci-ს მაღაზიაში კონსულტანტად მუშაობდა. ღონისძიებას მხოლოდ წყვილის 5 შვილი და 4 ახლო მეგობარი ესწრებოდა. მოგვიანებით ოჯახმა ჯვრისწერის კურთხევაც მიიღო.

ჯორჯინას თეთრი ბოლო კაბა, ჟაკეტი და თეთრი პერანგი ეცვა და ლუქს-კლასის Chopard-ის ბრენდის სამკაული ეკეთა. კრიშტიანუმ კი არჩევანი ღია ფერის პიჯაკზე, შარვალსა და პერანგზე გააკეთა.

პატარძალმა აღნიშნა, რომ ფუფუნებით სავსე ყოველდღიურობის შემდეგ მათთვის ყველაზე ძვირფასი სწორედ ასეთი ვიწრო, ოჯახური გარემო აღმოჩნდა.

„ბავშვობაში ვოცნებობდი ყველაზე დიდ სასახლეზე, ყველაზე დიდ ეტლზე, ყველაზე გრძელ კაბასა და ბრილიანტებით მორთულ გვირგვინზე. ახლა კი ვამბობ: არა. მე მინდა რაღაც ინტიმური, მხოლოდ ჩემს პარტნიორთან და ჩვენს შვილებთან ერთად, სახლში. იმიტომ, რომ სასახლეები, სახლები, კუნძულები, ცხენები, მანქანები - ეს ყველაფერი ისედაც ყოველდღე გვაქვს. ხოლო ნამდვილად ინტიმური გარემო ჩვენთვის იშვიათობაა.