ზაზა ლომინაძე დიუშენის სამკურნალო მედიკამენტებზე: ფაქტობრივად, ყველა ქვეყანა დგას გამოწვევის წინაშე, თუ რაზე შეაჩერონ არჩევანი - მრავალი კლინიკური კვლევის შედეგად ერთიანი ჩამოყალიბებული აზრი არ არსებობს

ჯანმრთელობის დაცვისა და სოციალურ საკითხთა საპარლამენტო კომიტეტის თავმჯდომარე ზაზა ლომინაძე დიუშენის სინდრომის სამკურნალო მედიკამენტების შესახებ დაკავშირებით აცხადებს, რომ ამ საკითხთან დაკავშირებით ყველა ქვეყანა გამოწვევის წინაშეა.

„ფაქტობრივად, ყველა ქვეყანა დგას გამოწვევის წინაშე, თუ რაზე შეაჩერონ არჩევანი იმიტომ, რომ მრავალი კლინიკური კვლევის შედეგად, რომელთაგან ზოგი მთავრდება, ზოგი მიმდინარეა და ზოგი უკვე დასრულდა, ერთიანი ჩამოყალიბებული აზრი არ არსებობს. ჩვენც რა თქმა უნდა, აქტიურად ვართ ჩაბმული და ვიღებთ მაქსიმალურ ინფორმაციას ნებისმიერი ქვეყნიდან”, - განაცხადა ზაზა ლომინაძემ.

დღეს აღნიშნულ საკითხზე ჯანდაცვის მინისტრმაც ისაუბრა. „ახლა ვიმყოფები მსოფლიო ჯანდაცვის ასამბლეაზე, სადაც ძალიან ბევრ ქვეყანასთან მოგვიწია შეხვედრა. პრაქტიკულად არავის მსოფლიოში დღეს არ აქვს რეალური პასუხი - უკლებლივ ყველა არის ამ ძიების პროცესში", - განაცხადა მიხეილ სარჯველაძემ.