ზელენსკი: ერთადერთი, რაც ჩვენ ევროპაში ჯერ კიდევ უნდა გავაკეთოთ, რუსეთის ბალისტიკური რაკეტების წინააღმდეგ ძლიერი თავდაცვის შექმნაა

უკრაინის პრეზიდენტმა, ვოლოდიმირ ზელენსკიმ ანკარაში ნატოს სამიტზე სიტყვით გამოსვლისას ევროპელ მოკავშირეებს მოუწოდა, პრიორიტეტულად მიიჩნიონ ანტიბალისტიკური სარაკეტო სისტემების წარმოება.

„ერთადერთი, რაც ჩვენ ევროპაში ჯერ კიდევ უნდა გავაკეთოთ, არის რუსეთის ბალისტიკური რაკეტების წინააღმდეგ ძლიერი თავდაცვის შექმნა“, - განაცხადა ზელენსკიმ. „ეს დიდი გამოწვევაა; ეს არის რუსეთის უკანასკნელი მნიშვნელოვანი უპირატესობა“.

უკრაინის ლიდერმა ასევე აღწერა რუსეთის ბალისტიკური რაკეტების საფრთხე, როგორც გლობალური მნიშვნელობის საკითხი.

„ჩვენ უკვე აღვიქვამთ ერთმანეთს საიმედო პარტნიორებად და სრულიად ბუნებრივი იქნებოდა გავმხდარიყავით ერთიანი უსაფრთხოების საზოგადოების ნაწილი“, - მიმართა ზელენსკიმ ევროპულ თანამეგობრობას.