ზელენსკი: მალე უკრაინა რუსეთში იარაღის წარმოების მოცულობას გადაუსწრებს

უკრაინამ მიაღწია დონეს, რომელიც საშუალებას აძლევს, აწარმოოს მაღალტექნოლოგიური იარაღის ისეთი მოცულობა, რაც გრძელვადიან პერსპექტივაში შესაძლოა რუსულ შესაძლებლობებს აღემატებოდეს, - განაცხადა უკრაინის პრეზიდენტმა, ვოლოდიმირ ზელენსკიმ.

მისი თქმით, საუბარია უკრაინის შესაძლებლობების ზრდაზე და ეს, უპირველეს ყოვლისა, ეხება უკრაინული წარმოების ყველა ტიპის დრონს, სახმელეთო რობოტულ კომპლექსებს, სარაკეტო პროგრამას, რადიოელექტრონული ბრძოლის საშუალებებსა და სამხედრო ტექნიკას.

მან ხაზგასმით აღნიშნა, რომ მადლობელია ყველა იმ სპეციალისტის, ვინც ავითარებს სარაკეტო პროგრამას და მუშაობს, კერძოდ, ეფექტური უკრაინული ბალისტიკური და ანტიბალისტიკური სისტემების წარმოებაზე.

„დღეს ჩვენ ფაქტობრივად ჩავატარეთ შესაძლებლობების ანალიზი და განვსაზღვრეთ ნაბიჯები, რომლებიც დააჩქარებს წარმოებას, გამოცდასა და გამოყენებას“, - დასძინა ზელენსკიმ.