ზელენსკიმ ბრიტანეთის რამდენიმე საგრაფოს საბჭოს შენობებიდან უკრაინული დროშების ჩამოხსნას შეცდომა უწოდა

უკრაინის პრეზიდენტმა ვოლოდიმირ ზელენსკიმ ბრიტანეთის რამდენიმე საგრაფოს საბჭოს შენობებიდან უკრაინული დროშების ჩამოხსნას შეცდომა უწოდა და ხელახლა აღმართვა ურჩია.

წინააღმდეგ შემთხვევაში, როგორც ზელენსკიმ განაცხადა, ორ ქვეყანას შორის ურთიერთობები, შესაძლოა გაუარესდეს.

გამოცემა The Guardian-ს ვოლოდიმირ ზელენსკიმ უთხრა, რომ პატარა შეცდომებსაც კი შეუძლიათ დაანგრიონ მყარი მეგობრობა და პარტნიორობა.

ზელენსკიმ ეს განცხადება მას შემდეგ გააკეთა, რაც ესექსის საგრაფოს საბჭოდან უკრაინის სოლიდარობის ნიშნად 2022 წელს გამოფენილი დროშა ჩამოხსნეს. ინიციატივა მემარჯვენე „რეფორმების პარტიას“ ეკუთვნოდა.