ზელენსკიმ განაცხადა, რომ „დიდი შვიდეულის“ სამიტზე ყველა დათანხმდა, დაეხმაროს უკრაინას საჰაერო თავდაცვის გაძლიერებაში

უკრაინის პრეზიდენტმა, ვოლოდიმირ ზელენსკიმ განაცხადა, რომ „დიდი შვიდეულის“ (G7) სამიტზე ყველა დათანხმდა, დაეხმაროს მის ქვეყანას საჰაერო თავდაცვის გაძლიერებაში.

საჰაერო თავდაცვის დამატებითი შესაძლებლობების უზრუნველყოფა ზელენსკიმ საფრანგეთში თავისი ვიზიტის ერთ-ერთ პრიორიტეტად აქცია.

სამშაბათს, შეხვედრების პირველი სერიის დასრულების შემდეგ, მან აღნიშნა, რომ შედეგებთან დაკავშირებით პოზიტიურად არის განწყობილი.

„ეს მართლაც დიდი გამოწვევაა, რადგან წარმოება არ არის ისეთი მასშტაბური, რა სიხშირითაც ჩვენ გვჭირდება. წარმოება ამერიკის შეერთებულ შტატებშია. მე წამოვჭერი ლიცენზიების საკითხი და ამით პრეზიდენტ ტრამპს მივმართე. ჩვენ გვჭირდება ლიცენზიები რაკეტების საწარმოებლად“, - განუცხადა ზელენსკიმ სააგენტო Reuters-ს.

ზელენსკის თქმით, მისმა ამერიკელმა კოლეგამ ეს წინადადება პოზიტიურად მიიღო და დასძინა: „იმედი მაქვს, როდესაც პრეზიდენტი ტრამპი პოზიტიურად არის განწყობილი, ეს ნიშნავს - დიახ“.