ზელენსკიმ მოკავშირეებს უკრაინისთვის Patriot-ის ტიპის რაკეტების გადაცემისკენ მოუწოდა

უკრაინის პრეზიდენტმა ვოლოდიმირ ზელენსკიმ ნატოს მოკავშირეებს კიევისთვის Patriot-ის ტიპის ჰაერსაწინააღმდეგო რაკეტების სწრაფად გადაცემისკენ მოუწოდა.

როგორც უკრაინის ლიდერმა ანკარაში ნატოს გენერალურ მდივანთან მარკ რუტესთან ერთობლივ პრესკონფერენციაზე განაცხადა, Patriot-ის ტიპის რაკეტები მხოლოდ შეერთებულ შტატებს არ აქვს. რაკეტების მარაგი სხვა პარტნიორ ქვეყნებსაც აქვთ.

„გვესმის, თუ რომელ ჩვენს მეგობარს, სხვათა შორის, არა მხოლოდ ამერიკელებს, აქვს ასეთი შესაძლებლობები. ჩვენ ის [რაკეტები] ძალიან გვჭირდება. ეს სასიცოცხლოდ მნიშვნელოვანია. ვფიქრობ, ყველამ ნახეთ რუსული დარტყმები“, - განაცხადა ზელენსკიმ.

მისი თქმით, ჰაერსაწინააღმდეგო სისტემის შესაძლებლობები მნიშვნელოვანია როგორც მოქალაქეების, ისე ჯარისკაცების დასაცავად.

„რა თქმა უნდა, ჩვენ ვხედავთ რუსეთის სისუსტეს, ჩვენ მას ვგრძნობთ. საჭიროა მეტი წნეხი, მეტი ანტიბალისტიკური რაკეტა და მეტი სანქცია რუსეთის წინააღმდეგ“, - დასძინა მან.