ზელენსკის განცხადებით, სამშვიდობო პროცესის დღის წესრიგში ანექსირებული ყირიმის დაბრუნების საკითხი არ დგას
უკრაინის პრეზიდენტის ვოლოდიმირ ზელენსკის განცხადებით, სამშვიდობო პროცესის დღის წესრიგში ანექსირებული ყირიმის დაბრუნების საკითხი არ დგას.
უკრაინის პრეზიდენტმა Fox News-თან ინტერვიუში თქვა, რომ ტერიტორიის საკითხი უკრაინისთვის მნიშვნელოვანია, თუმცა უფრო მნიშვნელოვანი ადამიანების სიცოცხლის შენარჩუნებაა.
ჟურნალისტის კითხვას, დევს, თუ არა ყირიმის საკითხი მოლაპარაკებების მაგიდაზე, ზელენსკიმ უპასუხა: „სამწუხაროდ, არა, ან ჯერ არა. ვნახოთ. მიწა ყოველთვის მნიშვნელოვანია. ეს ჩვენი ტერიტორიაა, ჩვენი ისტორიაა, ჩვენი სახლებია, მაგრამ ყველაზე მნიშვნელოვანია, არ დავკარგოთ ადამიანები“.
ცნობისთვის, უკრაინაში ომის დასრულება ვოლოდიმირ ზელენსკიმ ამერიკის პრეზიდენტთან დონალდ ტრამპთან თეთრ სახლში გუშინ გამართული შეხვედრისას განიხილა. მისი განმარტებით, ლიდერები სამშვიდობო პროცესის გააქტიურებაზე შეთანხმდნენ.
იმედი
წყარო: imedinews.ge