ზვიად შალამბერიძე გვარამიას განცხადებაზე: ეს ადამიანები წარმოადგენდნენ იმ ხელისუფლებას, რომელიც მართავდა ჩვენს ქვეყანას 2003 წლიდან 2012 წლამდე და რომელთა მმართველობის პროცესში ჩვენ გვაქვს უამრავი დადასტურებული ფაქტი იმისა, თუ რას წარმოადგენდა მათთვის ადამიანის სიცოცხლე

საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე ზვიად შალამბერიძე აფასებს ნიკა გვარამიას განცხადებას, რომ ომის შემდეგ უკრაინის აღსადგენად გამოყოფილი თანხიდან საქართველოს არაფერი ერგება.

„ეს ადამიანები წარმოადგენდნენ იმ ხელისუფლებას, რომელიც მართავდა ჩვენს ქვეყანას 2003 წლიდან 2012 წლამდე და რომელთა მმართველობის პროცესში ჩვენ გვაქვს უამრავი დადასტურებული ფაქტი იმისა, თუ რას წარმოადგენდა მათთვის ადამიანის სიცოცხლე და რამდენად ღირებული იყო ის. სამწუხაროდ, ეს რიტორიკა გრძელდება ამ შემთხვევაში პარტიის ლიდერების მიერ და საბედნიეროდ, ამას ჩვენი საზოგადოება ძალიან კარგად აფასებს და ყოველ ჯერზე, ყოველ არჩევნებზე მათ შესაბამის ადგილს უთითებს”, - აღნიშნა ზვიად შალამბერიძემ.