ზვიად შალამბერიძე: იმ მაგისტრალების განვითარება, რომლებიც მნიშვნელოვანია დაკავშრებადობის თვალსაზრისით, მიდის იქამდე, რომ ახალი მიზიდულობის კერა გაჩნდეს საქართველოში და არა მარტო ნავთობსადენები და გაზსადენები იყოს ინტერესი, არამედ როგორც სატრანსპორტო ღერძი, როგორც ავტომანქანების, ასევე რკინიგზის

ნებისმიერ შემთხვევაში იმ მაგისტრალების განვითარება, რომლებიც მნიშვნელოვანია დაკავშრებადობის თვალსაზრისით, მიდის იქამდე, რომ ახალი მიზიდულობის კერა გაჩნდეს საქართველოში და არა მარტო ნავთობსადენები და გაზსადენები იყოს ინტერესი, არამედ როგორც სატრანსპორტო ღერძი, როგორც ავტომანქანების, ასევე რკინიგზის, - განაცხადა გადაცემაში „დღის ქრონიკა“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ ზვიად შალამბერიძემ.

მისივე თქმით, საქართველოში აეროპორტების განვითარება და მეტი ტურისტის მიღების შესაძლებლობები, მიმართულია ქვეყნის კიდევე უფრო განვითარებაზე.

„ჩვენ ვადევნებთ თვალს, რომ ფართოვდება ქუთაისის აეროპორტი, თბილისის აეროპორტი, გაცხადდა ის, რომ ახალი აეროპორტის მშენებლობაც უნდა დაიწყოს, რომელსაც გაცილებით მეტი ტურისტის მიღების საშუალება ექნება.

ეს ყველა ნაბიჯი ნიშნავს იმას, რომ ნებისმიერ შემთხვევაში, ჩვენ გვინდა თუ არ გვინდა, სხვადასხვა ქვეყნის ინტერესები საქართველოზე ნებით თუ უნებლიედ გადაიკვეთება.

ყველას მიზანი იქნება, რომ საქართველოში იყოს სტაბილური მდგომარეობა იმისთვის, რომ მათი ქვეყნების განვითარება კიდევ უფრო სწრაფი ტემპით განხორციელდეს“, - აღნიშნა ზვიად შალამბერიძემ.