პუტინი: უკრაინაში კრიზისიც ისეთივე სიტუაციით დაიწყო, როგორიც სომხეთშია ახლა - Netgazeti

რუსეთის პრეზიდენტმა ვლადიმირ პუტინმა განაცხადა, რომ უკრაინის კრიზისი დაიწყო ისეთი სიტუაციით, რომელიც ჰგავს იმას, რაც ახლა სომხეთში ხდება.

პუტინის თქმით, ეს განსაკუთრებით დაკავშირებული იყო ევროკავშირში გაწევრიანების მცდელობებთან.

„მე უკვე ვახსენე ეს. უკრაინის კრიზისი დაიწყო მაშინ, როცა უკრაინა ევროკავშირში გაწევრიანებას ცდილობდა. ჩვენ წინააღმდეგი არ ვიყავით“, – თქვა რუსეთის პრეზიდენტმა ჟურნალისტების კითხვებზე პასუხისას ასტანაში, სადაც ევრაზიული ეკონომიკური კავშირის ლიდერთა სხდომა გაიმართა.

სხდომას არ დაესწრო გაერთიანების წევრი ქვეყნის, სომხეთის ლიდერი ნიკოლ ფაშინიანი.

სომხეთის ЕАЭС-იდან დისტანცირების ფონზე და იმ ვითარებაში, როდესაც სომხეთის პრემიერ-მინისტრი ნიკოლ ფაშინიანი არ დაესწრო ასტანაში გამართულ ევრაზიის ეკონომიკური კავშირის ლიდერთა სხდომას, ევრაზიის ეკონომიკური კავშირის (ЕАЭС) წევრი ქვეყნების ლიდერებმა [ბელარუსის, ყაზახეთის, ყირგიზეთისა და რუსეთის პრეზიდენტები] სომხეთთან დაკავშირებით ერთობლივი განცხადება გაავრცელეს.

ულტიმატუმი სომხეთს – რეფერენდუმი ევროკავშირში გაწევრიანებაზე ან ЕАЭС-ში დარჩენაზე

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.