ალიევი: სომხეთს საწვავის საიმედო წყარო ჰყავს - აზერბაიჯანი - Netgazeti

“სომხეთს საწვავის საიმედო წყარო ჰყავს, ეს არის აზერბაიჯანი”, – როგორც APA იუწყება, ამის შესახებ აზერბაიჯანის პრეზიდენტმა ილჰამ ალიევმა შუშის გლობალური მედიაფორუმის გახსნაზე განაცხადა.

ალიევმა ისაუბრა იმის შესახებ, რომ აზერბაიჯანის ტერიტორიის გავლით სომხეთში რუსეთიდან, ყაზახეთიდან და სხვა ქვეყნებიდან 40 ათას ტონაზე მეტი სხვადასხვა სახის ტვირთი გადაიზიდა.

„გარდა ამისა, აზერბაიჯანმა თავად დაიწყო სომხეთში ნავთობპროდუქტების ექსპორტი. თუ არ ვცდები, დღეის მდგომარეობით მიწოდებულია 10 ათას ტონაზე მეტი ნავთობპროდუქტი. განსაკუთრებით ახლა, როდესაც ბევრი ქვეყანა საწვავის დეფიციტს განიცდის, სომხეთს აქვს საწვავის საიმედო წყარო და ეს წყარო აზერბაიჯანია. ეს რომ არ ყოფილიყო, დღეს სომხეთს, ალბათ, ბენზინისა და დიზელის საწვავის მოძიება მსოფლიოს სხვადასხვა ნაწილში მოუწევდა“, – განაცხადა ილჰამ ალიევმა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.