სიიარტომ დეპუტატობაზე უარი თქვა და ჩინურ ავტომწარმოებელ კომპანიაში დასაქმდა - Netgazeti

უნგრეთის ყოფილმა საგარეო საქმეთა მინისტრმა პეტერ სიიარტომ დეპუტატის მანდატზე უარი თქვა და ჩინურ ავტომწარმოებელ კომპანია BYD-ში დასაქმდა.

„მივიღე უაღრესად პრესტიჟული შეთავაზება გლობალური ეკონომიკის ერთ-ერთ მთავარ კომპანიაში საერთაშორისო პოზიციის დასაკავებლად. BYD წარმოადგენს ბოლო ოცი წლის განმავლობაში ერთ-ერთ უდიდეს საავტომობილო წარმატების ისტორიას და მსოფლიოში ახალი ენერგომობილების წამყვანი მწარმოებელია. დღეიდან ვაგრძელებ მუშაობას ჯგუფის საგარეო ურთიერთობებისა და ახალი ბიზნესხაზების განვითარების აღმასრულებელი დირექტორის თანამდებობაზე“, – დაწერა სიიარტომ „ფეისბუქში“.

სიიარტო ვიქტორ ორბანის კაბინეტში თითქმის 12 წლის განმავლობაში იკავებდა საგარეო საქმეთა მინისტრის პოსტს. უნგრეთის საგარეო საქმეთა და ვაჭრობის მინისტრის რანგში ცენტრალური როლი ითამაშა BYD-ის ქარხნის უნგრეთში გახსნის მოლაპარაკებებში.

„ევრონიუსის“ ცნობით, თანამდებობაზე ყოფნისას სიიარტომ და ორბანმა წინააღმდეგობა გაუწიეს ჩინურ პროდუქტებზე ევროკავშირის ტარიფებს და პეკინისგან მსხვილი ინვესტიციები მოიძიეს, რითაც ქვეყნის მასშტაბით გახსნეს ჩინური ელექტრომობილების ბატარეების წარმოების ქარხნების სერია.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.