მარნეულის მერის ძმა დააკავეს - Netgazeti
ნეტგაზეთი|netgazeti.ge
მარნეულის მერის, დაურ ისმაილოვის ძმა ქენან ისმაილოვი დააკავეს.
სამოქალაქო აქტივისტის, სამირა ბაირამოვას ინფორმაციით, ქენან ისმაილოვმა, თავისი გარემოცვის წევრებთან ერთად, პურის საცხობის მეპატრონეს სცემა.
„მერის ოჯახის წევრები უკვე ერთი კვირაზე მეტია ქალაქში ქაოსს ქმნიან. მათ, საკუთარი ბიზნესინტერესებიდან გამომდინარე, ხელოვნურად გაზარდეს პურის ფასი და სხვა მეწარმეებსაც აიძულებდნენ, იგივე გაეკეთებინათ. ერთ-ერთი პირადად დამიკავშირდა. ვინც არ დაემორჩილა, სასტიკად არის ნაცემი“, — წერს სამირა ბაირამოვა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 126-ე, ჯგუფური ძალადობის მუხლით მიმდინარეობს.
გაზიარება:
N
ნეტგაზეთი
წყარო: netgazeti.ge