11 სკოლის რეაბილიტაციისთვის ტენდერები გამოცხადდა | სია

მუნიციპალური განვითარების ფონდმა 11 სკოლის რეაბილიტაციისთვის ტენდერები გამოაცხადა. თითოეული სკოლის სარეაბილიტაციო სამუშაოების სახელშეკრულებო ღირებულება სხვადასხვაა, ჯამურად კი 130 მლნ ლარს აღწევს.

ყველა ტენდერი Design-Build მეთოდით, სკოლის რეკონსტრუქცია/რეაბილიტაციისათვის საჭირო საპროექტო-სახარჯთაღრიცხვო დოკუმენტაციის მოსამზადებლად მომსახურების და შესაბამისი სამშენებლო სამუშაოების სახელმწიფო შესყიდვას ითვალისწინებს. სამუშაოს შესრულების საერთო ვადად ხელშეკრულების გაფორმებიდან 16 კალენდარული თვეა მითითებული.

გთავაზობთ სკოლების ჩამონათვალს და შესყიდვის სახელშეკრულებო ღირებულებას თითოეულის შემთხვევაში:

• ქალაქ ქუთაისის აფხაზეთის N5 საჯარო სკოლა - 5 632 451 ლარი • დმანისის მუნიციპალიტეტის სოფელ ზემო კარაბულახის საჯარო სკოლა - 7 369 500 ლარი • ქალაქ ქუთაისის N24 საჯარო სკოლა - 16 201 483 ლარი • მესტიის მუნიციპალიტეტის სოფელ იენაშის (ლატალის თემი) საჯარო სკოლა - 15 950 500 ლარი • ქალაქ თელავის N8 (შალაურის კორპუსი) საჯარო სკოლა - 9 616 455 ლარი • თიანეთის მუნიციპალიტეტის სოფელ ხევსურთსოფლის საჯარო სკოლა - 12 009 118 ლარი • ქალაქ ტყიბულის N6 საჯარო სკოლა - 11 916 031 ლარი • ქალაქ ხონის N4 საჯარო სკოლა - 11 580 205 ლარი • დუშეთის მუნიციპალიტეტის დაბა ჟინვალში, დანიელ ჭონქაძის ქუჩა N2-ში არსებული საჯარო სკოლა - 16 278 000 ლარი • ქალაქ ბორჯომში, წმინდა ნინოს ქუჩა N2-ში არსებული N1 საჯარო სკოლა - 10 554 520 ლარი • ქალაქ რუსთავში, მაიაკოვსკის ქუჩა N14-ში, ექვთიმე თაყაიშვილის სახელობის N16 საჯარო სკოლა - 12 909 248 ლარი