6 თვეში საქართველოში რეგისტრირებული დანაშაულის მაჩვენებელი 14.9%-ით გაიზარდა | სტატისტიკა

2026 წლის პირველ ნახევარში საქართველოში სულ რეგისტრირებულია 29,915 დანაშაული, რაც 2025 წლის შესაბამისი პერიოდის მაჩვენებელზე (26,038 დანაშაული) 14.9%-ით (3,877 ერთეულით) მეტია.

საქსტატის დანაშაულის სტატისტიკის პუბლიკაციის მიხედვით, ჯამური დანაშაულის ზრდის ძირითადი განმსაზღვრელი ფაქტორი ნარკოტიკული დანაშაულების მკვეთრი ზრდაა:

2026 წლის I-II კვარტალში ნარკოტიკული დანაშაულის რეგისტრირებულმა შემთხვევებმა 7,533 შეადგინა, მაშინ როდესაც 2025 წლის 6 თვეში ეს მაჩვენებელი 3,919 იყო (ზრდა +92.2%).

67%-ით გაიზარდა სამოხელეო დანაშაულები.

პარალელურად, შემცირებულია მატერიალური და ფიზიკური ზიანის მიყენებისკენ მიმართული დანაშაულები:

• საკუთრების წინააღმდეგ დანაშაული: შემცირდა 8,339-მდე (2025 წლის 6 თვეში - 8,865); • ჯანმრთელობის წინააღმდეგ დანაშაული: შემცირდა 3,588-მდე (2025 წლის 6 თვეში - 3,813); • სატრანსპორტო დანაშაული: შემცირდა 1,326-მდე (2025 წლის 6 თვეში - 1,569).

რეგისტრირებული დანაშაულის სტატისტიკა (I-II კვარტალი, 2025 vs 2026 წწ.):

დანაშაულის სახეობა 2025 I-II კვ. 2026 I-II კვ. ცვლილება რეგისტრირებული დანაშაული, სულ 26 038 29 915 +14.9% სიცოცხლის წინააღმდეგ 897 1 050 +17.1% ჯანმრთელობის წინააღმდეგ 3 813 3 588 -5.9% ადამიანის უფლებებისა და თავისუფლებების წინააღმდეგ 2 374 2 417 +1.8% ოჯახისა და არასრულწლოვნის წინააღმდეგ 12 7 -41.7% საკუთრების წინააღმდეგ 8 865 8 339 -5.9% საზოგადოებრივი უშიშროებისა და წესრიგის წინააღმდეგ 814 1 135 +39.4% ნარკოტიკული დანაშაული 3 919 7 533 +92.2% სატრანსპორტო დანაშაული 1 569 1 326 -15.5% სამოხელეო დანაშაული 112 187 +67.0% მმართველობის წესის წინააღმდეგ 1 349 1 427 +5.8% სხვა დანაშაული 2 314 2 906 +25.6%

მიუხედავად რეგისტრირებული დანაშაულის საერთო რაოდენობის ზრდისა, საქსტატის თანახმად, დაზარალებულ პირთა რაოდენობა 2.9%-ით შემცირდა და 2026 წლის I-II კვარტალში 8,385 კაცი შეადგინა (2025 წლის 6 თვეში - 8,632 კაცი).

2026 წლის I ნახევარში დაზარალებულთა შორის 4,374 კაცია (52.2%), ხოლო 4,006 - ქალი (47.8%). გასულ წელს ქალი დაზარალებულების წილი მცირედით მაღალი იყო (4,326 ქალი vs 4,294 კაცი).

დაზარალებულთა აბსოლუტური უმრავლესობა (7,373) საქართველოს მოქალაქეა, თუმცა იმატა დაზარალებულ უცხო ქვეყნის მოქალაქეთა რაოდენობამ - 952 პირი (2025 წლის I ნახევარში - 718).

2026 წლის პირველ 6 თვეში მცირედით შემცირდა როგორც ოჯახში ძალადობის მსხვერპლთა, ისე მოძალადეთა აღრიცხული რაოდენობაც:

ოჯახში ძალადობის სტატისტიკა სქესისა და როლის მიხედვით (2025-2026 წწ. I-II კვარტალი):

კატეგორია 2025 I-II კვ. (სულ) 2025 (ქალი / კაცი) 2026 I-II კვ. (სულ) 2026 (ქალი / კაცი) მოძალადე 3 595 523 / 3 072 3 469 544 / 2 925 მსხვერპლი 3 757 3 201 / 556 3 605 3 032 / 573

ოჯახში ძალადობის ყველაზე მეტი შემთხვევა ტრადიციულად დედაქალაქში ფიქსირდება:

• ქ. თბილისი: 1,701 მსხვერპლი / 1,638 მოძალადე; • ქვემო ქართლი: 441 მსხვერპლი / 439 მოძალადე; • აჭარის არ: 299 მსხვერპლი / 293 მოძალადე; • კახეთი: 347 მსხვერპლი / 335 მოძალადე; • იმერეთი: 246 მსხვერპლი / 229 მოძალადე.