აჩხოტი-სნო-ახალციხე-ჯუთას საავტომობილო გზაზე ჩასატარებელ საგზაო სამუშაოებზე ტენდერი გამოცხადდა - ღირებულება ₾80 მილიონია

აჩხოტი-სნო-ახალციხე-ჯუთას საავტომობილო გზაზე ჩასატარებელ საგზაო სამუშაოებზე ტენდერი გამოცხადდა. საავტომობილო გზების დეპარტამენტის ინფორმაციით, სამუშაოების სახელშეკრულებო ღირებულება 80 მილიონი ლარია და სრულად ფინანსდება საქართველოს სახელმწიფო ბიუჯეტიდან.

მათივე ცნობით, სამუშაოების შესრულების ვადა სამუშაოების დაწყებიდან 24 თვეა.

"მთავრობის განკარგულების საფუძველზე, საავტომობილო გზების დეპარტამენტმა შიდასახელმწიფოებრივი მნიშვნელობის აჩხოტი-სნო-ახალციხე-ჯუთას საავტომობილო გზაზე (დავალების შემთხვევაში, ადგილობრივი მნიშვნელობის გზებზე და სხვა საავტომობილო გზებზე) ჩასატარებელ საგზაო სამუშაოებზე ტენდერი გამოაცხადა

განსახორციელებელი შესყიდვის პირობები ითვალისწინებს პრეისკურანტის საფუძველზე სხვადასხვა სახის საგზაო სამუშაოების, მათ შორის, პერიოდული შეკეთების, ასევე, საავტომობილო გზებზე სასწრაფოდ განსახორციელებელი სარეაბილიტაციო სამუშაოების წარმოებას, რომელიც მოიცავს საპროექტო მომსახურებისა და სამშენებლო სამუშაოს შესყიდვას

აჩხოტი-სნო-ახალციხე-ჯუთას საავტომობილო გზაზე ჩასატარებელი საგზაო სამუშაოების სახელშეკრულებო ღირებულება 80 მლნ. ლარს შეადგენს და სრულად ფინანსდება საქართველოს სახელმწიფო ბიუჯეტიდან. სამუშაოების შესრულების ვადა სამუშაოების დაწყებიდან 24 თვეა", - წერია გავრცელებულ ინფორმაციაში.