ამერიკამ ირანზე ახალი იერიშები მიიტანა, ჰუსიტები კი არაბეთს ბლოკადით ემუქრებიან
აშშ-ის შეიარაღებულმა ძალებმა ირანის სამხედრო ობიექტებზე მორიგი საჰაერო დარტყმები განახორციელეს, პარალელურად კი იემენელმა ჰუსიტებმა საუდის არაბეთის წინააღმდეგ საზღვაო ემბარგო გამოაცხადეს.
აშშ-ის ცენტრალური სარდლობის ცნობით, იერიში ირანის სამხედრო სამეთაურო ცენტრებზე, საზღვაო ინფრასტრუქტურაზე, რაკეტებისა და დრონების გამშვებ პოზიციებსა და საჰაერო თავდაცვის სისტემებზე მიიტანეს. CENTCOM-ის განცხადებით, მაისის დასაწყისიდან დღემდე უწყებამ სრუტეში 900-მდე კომერციული ხომალდისა და 450 მილიონი ბარელი ნედლი ნავთობის უსაფრთხო გატარება უზრუნველყო.
პარალელურად, ირანის მიერ მხარდაჭერილმა ჰუსიტებმა საუდის არაბეთის წინააღმდეგ დაუყოვნებლივი საზღვაო ბლოკადა გამოაცხადეს, რამაც შესაძლოა ახლო აღმოსავლეთიდან ნავთობის მიწოდებას სერიოზული საფრთხე შეუქნას. ტერორისტული დაჯგუფების წარმომადგენლებმა არაბეთის ხელისუფლება "აგრესიულ ალყაში" დაადანაშაულეს და განაცხადეს, რომ ბაბ-ელ-მანდების სრუტესაც ჩაკეტავენ, თუ ირანთან შეთანხმება არ შედგება.
თავის მხრივ, საუდის არაბეთის ხელისუფლებამ განაცხადა, რომ საზღვაო ბლოკადას ძალის გამოყენებით უპასუხებს და მუქარას საერთაშორისო სამართლის უხეში დარღვევა უწოდა.
BM.GE
წყარო: bm.ge