"ამერიკელებმა ომზე უარი თქვეს" – როგორ აფასებს ირანი არჩევნების შედეგებს?
ირანის პარლამენტის სპიკერმა და მოლაპარაკებების პროცესში თეირანის მთავარმა წარმომადგენელმა, მუჰამედ ბაგერ გალიბაფმა განაცხადა, რომ აშშ-ის შუალედურ არჩევნებში დონალდ ტრამპის რესპუბლიკური პარტიის დამარცხების შემდეგ "ამერიკელმა ამომრჩევლებმა ომზე უარი თქვეს".
ირანის პრეზიდენტმა, მასუდ ფეზეშქიანმა ხაზგასმით აღნიშნა, რომ არჩევნების შედეგების მიუხედავად, მისი მთავრობა კრიზისის მოგვარებას დიალოგისა და დიპლომატიის გზით ცდილობს. მოლაპარაკებების პროცესში ჩართული მედიატორებიც ადასტურებენ, მხარეებს შორის კონსულტაციები გრძელდება, თუმცა მაინც საბოლოო გადაწყვეტილება დონალდ ტრამპის მისაღებია.
რაც შეეხება აშშ-ის პრეზიდენტის პოზიციას, ტრამპმა კონგრესის არჩევნებში რესპუბლიკელების მარცხი ნაწილობრივ ირანის ომს და საწვავზე გაზრდილ ფასებს დაუკავშირა. Fox News-თან ინტერვიუში ტრამპმა განმარტა, რომ ამომრჩევლები ბენზინის გაძვირების მოკლევადიანი შედეგებისთვის მზად არ აღმოჩნდნენ.
ანალიტიკოსების შეფასებით, დემოკრატების ისტორიული გამარჯვება სწორედ ირანის ომთანაა დაკავშირებული, რომელმაც ნავთობის მკვეთრი გაძვირება და ინფლაციის დაჩქარება გამოიწვია, რაც ამერიკელი ამომრჩევლისთვის მიუღებელი აღმოჩნდა.
BM.GE
წყარო: bm.ge