აშშ-მა რუსეთის სახმელეთო ძალებს და სამხედრო სტრუქტურებს სანქციები დაუწესა
აშშ-მა რუსეთის სახმელეთო ძალებს, სამხედრო სტრუქტურებს, კომპანიებსა და რუსეთის ხუთ მოქალაქეს სანქციები დაუწესა.
სახელმწიფო დეპარტამენტის განცხადებით, შეზღუდვები დაწესდა რუსეთის მთავარი სარაკეტო და საარტილერიო სამმართველოს, 1061-ე მატერიალურ-ტექნიკური უზრუნველყოფის ცენტრის და რუსეთის სახმელეთო ძალების წინააღმდეგ. აშშ-ის სანქციები ასევე ვრცელდება ჩამოთვლილი სუბიექტების უფლებამონაცვლე პირებსა თუ შვილობილ კომპანიებზე.
გარდა ამისა, სახელმწიფო დეპარტამენტმა სანქციები დაუწესა რუსულ კომპანიებს International Invest Company-ს და Gedion Alpha Company-ს. მიღებული ზომებით აშშ-ის სამთავრობო უწყებებს ეკრძალებათ სანქცირებული სუბიექტებისგან საქონლის ან მომსახურების შესყიდვა, მათთვის დახმარების გაწევა ან იარაღის მიყიდვა.
სანქციები ძალაში 24 ივლისს შევიდა, თუმცა სახელმწიფო დეპარტამენტმა დღეს, 4 აგვისტოს გამოაქვეყნა დოკუმენტი.
BM.GE
წყარო: bm.ge