აზერბაიჯანი და დიდი ბრიტანეთი სტრატეგიული პარტნიორები ხდებიან - შეთანხმების ტექსტი უკვე მზადაა
აზერბაიჯანი და დიდი ბრიტანეთი სტრატეგიულ პარტნიორობაზე შეთანხმდნენ. აზერბაიჯანის სამთავრობო სააგენტოს Report-ის ინფორმაციით, ორ ქვეყანას შორის უკვე შეთანხმდა სტრატეგიული პარტნიორობის დოკუმენტიც.
დიდი ბრიტანეთის ვაჭრობის მინისტრის ანას სარვარის განცხადებით, შეთანხმებულ ტექსტს პრემიერ-მინისტრს ენდი ბერნემსა და აზერბაიჯანის პრეზიდენტს ილჰამ ალიევს წარუდგენენ ხელმოსაწერად.
პარტნიორობის გაღრმავების შესახებ ცნობები ორი ქვეყნის მთავრობათაშორის კომისიის სხდომაზე გახდა ცნობილი, სადაც სარვარმა ახალი თანამშრომლობის მნიშვნელობაზე ისაუბრა.
„კომისიის სხდომა ჩვენს ქვეყნებს შორის ურთიერთობების უმნიშვნელოვანეს ეტაპზე ტარდება, შესაძლოა, ჩვენი ისტორიის ერთ-ერთ ყველაზე გარდამტეხ მომენტშიც. გასულ წელს დიდმა ბრიტანეთმა და აზერბაიჯანმა ურთიერთობების სტრატეგიულ პარტნიორობამდე ამაღლების გადაწყვეტილება მიიღეს. მას შემდეგ ჩვენმა მთავრობებმა ბევრი იშრომეს, რათა ამ შეთანხმებისა და ჩვენი პარტნიორობისთვის რეალური შინაარსი შეეძინათ“, - განაცხადა დიდი ბრიტანეთის ვაჭრობის მინისტრმა.
BM.GE
წყარო: bm.ge