ბათუმში საზაფხულო სეზონი 150-მდე მეწარმის გამოფენითა და მუსიკალური პროგრამით გაიხსნა
ბათუმში ტურისტული სეზონი ოფიციალურად გაიხსნა. საზაფხულო სეზონის დაწყებასთან დაკავშირებით, ანბანის კოშკის მიმდებარე ტერიტორიაზე ტრადიციული „ზაფხულის ფესტივალი“ იმართება.
20-21 ივნისს გამართული ღონისძიებები ბიუჯეტს დაახლოებით 0,5 მლნ ლარი დაუჯდა.
ადგილობრივი მთავრობის ცნობით, საფესტივალო სივრცე საზაფხულო და საზღვაო თემატიკის დეკორაციებითა და ინსტალაციებითაა გაფორმებული. ღონისძიების ფარგლებში მოეწყო ხელნაკეთი ნივთების გამოფენა-გაყიდვა, სადაც საკუთარი პროდუქცია 150-მდე ადგილობრივმა და მოწვეულმა მეწარმემ წარმოადგინა.
ტერიტორიაზე ასევე ფუნქციონირებს 10-ზე მეტი ღია კაფე-ბარი და ლაუნჯი. მოწყობილია სპეციალური საბავშვო ზონები, სადაც გასართობ პროგრამებზე ანიმატორები ზრუნავენ. ფესტივალის სტუმრებს ორი დღის განმავლობაში ექნებათ შესაძლებლობა, დაესწრონ სხვადასხვა მუსიკალურ შოუს პროგრამა საზეიმო კონცერტით გაგრძელდა, რომელშიც ადგილობრივი და მოწვეული ბენდები მონაწილეობენ.
BM.GE
წყარო: bm.ge