"დელტა" ტერიტორიაზე გაჩენილ ხანძართან დაკავშირებით განცხადებას ავრცელებს
სახელმწიფო სამხედრო სამეცნიერო-ტექნიკურ ცენტრ „დელტას“ ტერიტორიაზე ხანძარი გუშინ, გვიან ღამით გაჩნდა. უწყების ინფორმაციით, ცეცხლის კერა ერთ-ერთ ძველ, ექსპლუატაციაში არმყოფ ნაგებობაში წარმოიშვა, სადაც ამ დროისთვის მხოლოდ სარემონტო სამუშაოები მიმდინარეობდა.
„დელტაში“ აცხადებენ, რომ შესაბამისი სამსახურების დროული ჩარევის შედეგად ვითარების ლოკალიზება მოკლე დროში მოხერხდა, ამ ეტაპზე კი ცეცხლი სრულად ლიკვიდირებულია.
ხანძრის გამომწვევი მიზეზების დადგენის მიზნით მიმდინარეობს შესაბამისი სამუშაოები.
ცნობისთვის, სახელმწიფო სამხედრო სამეცნიერო-ტექნიკური ცენტრი „დელტა“ საქართველოს თავდაცვის სამინისტროს დაქვემდებარებაში არსებული სახელმწიფო საწარმოა. მისი ძირითადი საქმიანობა სამხედრო და სამოქალაქო დანიშნულების ტექნიკის, შეიარაღებისა და აღჭურვილობის შექმნა, წარმოება და მოდერნიზაციაა.
BM.GE
წყარო: bm.ge