დიდმა ბრიტანეთმა რუსეთის წინააღმდეგ 35 სანქცია გამოაცხადა
დიდმა ბრიტანეთმა 5 მაისს 35 ფიზიკური და იურიდიული პირის წინააღმდეგ სანქციები გამოაცხადა. გავრცელებული ინფორმაციით, ისინი ჩართული იყვნენ მოწყვლადი მიგრანტების გადაბირებაში, რათა მათ უკრაინაში რუსეთის მხარეს ებრძოლათ და ასევე აწარმოებდნენ დრონებს კონფლიქტში გამოსაყენებლად.
საგარეო საქმეთა სამინისტრომ გლობალური არალეგალური მიგრაციის სანქციების რეჟიმის ფარგლებში 17 სანქცია დააწესა, რაც უწყების განცხადებით, უკავშირდება ტრეფიკინგის ქსელებს, რომლებიც ხელს ადამიანების "ფრონტის ხაზზე საზარბაზნე ხორცად" გაგზავნას უწყობდნენ.
ბრიტანეთმა ასევე დაამატა 18 სანქცია რუსეთის სანქციების რეჟიმის ფარგლებში. მათი ნაწილი ეხება პროგრამას, რომელიც "მატყუარა პრაქტიკებს" იყენებდა დრონების საწარმოებლად ადამიანების (ძირითადად კამერუნიდან) გადასაბირებლად.
"მოწყვლადი ადამიანების ექსპლუატაციის პრაქტიკა, რათა უკრაინაში რუსეთის წარუმატებელი და უკანონო ომი შენარჩუნდეს, ბარბაროსულია",- აღნიშნა განცხადებაში სანქციების საკითხებში მინისტრმა, სტივენ დაუთიმ.
მან დასძინა, რომ სანქციები „ხელს შეუშლის იმ პირთა საქმიანობას, რომლებიც მიგრანტებს საზარბაზნე ხორცად იყენებენ და პუტინის დრონების ქარხნებს არალეგალური კომპონენტებით ამარაგებენ.“
BM.GE
წყარო: bm.ge