დონალდ ტრამპის რეიტინგი ისტორიულ მინიმუმამდე, 32%-მდე დაეცა

აშშ-ის პრეზიდენტ დონალდ ტრამპის რეიტინგი მისი პოლიტიკური კარიერის განმავლობაში ყველაზე დაბალ ნიშნულამდე შემცირდა. სააგენტო Reuters-ისა და სოციოლოგიური კომპანია Ipsos-ის ერთობლივი გამოკითხვის შედეგებით, თეთრი სახლის ლიდერის მხარდაჭერამ მხოლოდ 32% შეადგინა. აღსანიშნავია, რომ კვლევა 17-20 სექტემბერს ონლაინფორმატში ჩატარდა და მასში მონაწილეობა 1,277-მა სრულწლოვანმა რესპონდენტმა მიიღო.

საყურადღებოა, რომ ამერიკელი ლიდერის პოზიციები თავად რესპუბლიკური პარტიის მხარდამჭერებშიც დასუსტდა. სულ რაღაც ერთ კვირაში თანაპარტიელთა მხარდაჭერის მაჩვენებელი 82%-დან 73%-მდე დაეცა. როგორც Reuters-ი იტყობინება, კონსერვატორ ამომრჩევლებში უკმაყოფილება თებერვალში ირანთან სამხედრო კონფლიქტის დაწყების შემდეგ გაიზარდა, რადგან სამხედრო კამპანიამ ქვეყანაში ბენზინსა და დიზელზე ფასების მკვეთრი მატება განაპირობა.

ცნობისთვის, აგვისტოს ბოლოს ტრამპის რეიტინგი 35%-მდე იყო ჩამოსული.