გერმანიამ უკრაინისთვის €1.3 მილიარდზე მეტი ღირებულების დახმარების პაკეტი გამოყო

უკრაინის პრეზიდენტმა ვოლოდიმირ ზელენსკიმ განაცხადა, რომ გერმანიამ უკრაინისთვის 1 მილიარდ ევროზე მეტი ღირებულების დახმარების პაკეტი გამოყო. მან ამის შესახებ კიევში, გერმანიის კანცლერ ფრიდრიხ მერცთან ერთობლივ პრესკონფერენციაზე ისაუბრა.

„ეს არის იარაღი, რომელიც ახლა დაგვეხმარება, ასევე მხარდაჭერა ჩვენი ენერგეტიკის სექტორისთვის - ეს ძალიან მნიშვნელოვანია“, - აღნიშნა ზელენსკიმ

ზელენსკიმ აღნიშნა, რომ გერმანიის ეს პაკეტი მოიცავს თანხებს ახალი რაკეტების წარმოებისთვის, რომლებიც სპეციალურად „შაჰედის“ ტიპის რაკეტების გასანადგურებლად არის შექმნილი. მერცის განცხადებით, დაახლოებით 350 მილიონი ევრო ენერგეტიკის სფეროს დასახმარებლად გამოიყოფა.

„ეს სწრაფად და მნიშვნელოვნად გააძლიერებს უკრაინის საჰაერო თავდაცვას და ასეთი გაძლიერება უკიდურესად საჭიროა. ეს ყველაფერი ხელს შეუწყობს უკრაინის ენერგეტიკულ ინფრასტრუქტურაზე რუსეთის თავდასხმების შედეგების შემსუბუქებას და, უპირველეს ყოვლისა, დაეხმარება უკრაინის მოსახლეობას მოახლოებული ზამთრის გადატანაში“, - აღნიშნა მერცმა.