გიორგი ბაჩიაშვილმა მაიამიზე ვილა 51.5 მილიონ აშშ დოლარად გაყიდა - NYPOST

გიორგი ბაჩიაშვილმა მაიამიზე ვილა 51.5 მილიონ აშშ დოლარად გაყიდა - ინფორმაციას ამის შესახებ NYPOST ავრცელებს.

"ბიტკოინის იდუმალმა ინვესტორმა" ვილა სწრაფად გაყიდა", - წერს გამოცემა.

სტატიაში არ წერია, კონკრეტულად რა რიცხვში გაყიდა ბაჩიაშვილმა ვილა:"აგვისტოს შუა რიცხვებში, ციხიდან გათავისუფლებიდან დაახლოებით ექვსი თვის შემდეგ, ბაჩიაშვილმა მაიამიში მდებარე სახლი გაყიდა" - წერია სტატიაში და მითითებულია, რომ აღნიშნული უძრავი ქონების გაყიდვა ჰიბისკუსისა და პალმის კუნძულებისთვის რეკორდულია.

გავრცელებული ინფორმაციით, სასახლეს აქვს ხუთი საძინებელი, მოახლის ოთახი, ექვსი სააბაზანო, სახლის ოფისი, სპორტული დარბაზი და 120 ფუტის სიგრძის წყალსატევი. შიგნით ასევე არის დიდი ფოიე, მისაღები და შეფ-მზარეულის სამზარეულო.

სტატიაში არ წერია, კონკრეტულად რა რიცხვში გაყიდა ბაჩიაშვილმა ვილა:"აგვისტოს შუა რიცხვებში, ციხიდან გათავისუფლებიდან დაახლოებით ექვსი თვის შემდეგ, ბაჩიაშვილმა მაიამიში მდებარე სახლი გაყიდა".

თანაინვესტირების ფონდის ყოფილი ხელმძღვანელი, გიორგი ბაჩიაშვილი პატიმრობიდან 18 თებერვალს გაათავისუფლეს. როგორც მაშინ პროკურატურამ განმარტა, "ბაჩიაშვილმა სრულად აღიარა დანაშაული და სრულად ითანამშრომლა გამოძიებასთან - აანაზღაურა ზიანი, რისთვისაც გაუფორმდა საპროცესო შეთანხმება ჯარიმასა და პირობით მსჯავრზე". მისი ადვოკატის თქმით კი გიორგი ბაჩიაშვილს მიესაჯა ერთი წლით პირობითი მსჯავრი და ჯარიმა 50 000 ლარის ოდენობით.

9000-მდე ბიტკოინი - რას ედავებოდა ივანიშვილი ბაჩიაშვილს საპროცესო შეთანხმების გაფორმებამდე