ირანმა აშშ-სთან მოლაპარაკებები შეწყვიტა

ირანელი მომლაპარაკებლები შუამავლების მეშვეობით აშშ-სთან შეტყობინებების გაცვლას და მოლაპარაკებას წყვეტენ, თეირანი კი ჰორმუზის სრუტის სრულად ჩაკეტვას იწყებს.

ირანული სამთავრობო მედიის განცხადებით, აღნიშნული გადაწყვეტილება მიმდინარე ცეცხლის შეწყვეტის რეჟიმის უხეში დარღვევის საპასუხოდ იქნა მიღებული. როგორც ირკვევა, Tasnim-ის მიერ სოციალურ ქსელში გავრცელებულ განცხადებაში ძირითადი ყურადღება ლიბანში, „ჰეზბოლას“ წინააღმდეგ ისრაელის სამხედრო ოპერაციებზეა გამახვილებული, რასაც თეირანი შეთანხმების დარღვევად მიიჩნევს.

მნიშვნელოვანია ითქვას, რომ Tasnim-ის მიერ ამ ინფორმაციის გავრცელების შემდეგ, ნავთობის ფასი ბაზარზე მყისიერად, 5.5%-ზე მეტით გაიზარდა.

CNBC-ის ცნობით, თეთრ სახლსა და აშშ-ის ცენტრალურ სარდლობაში ამ ეტაპზე კომენტარის გაკეთებისაგან თავი შეიკავეს და მედიის მიერ გაგზავნილ შესაბამის შეკითხვებს არ უპასუხეს.