კომპანია Acer-მა ორი ახალი ჭკვიანი სათვალე წარადგინა

ტაივანურმა ტექნოლოგიურმა კომპანია Acer-მა ბაზარზე ორი ახალი ჭკვიანი სათვალე წარადგინა. როგორც ირკვევა, მომხმარებლები AR Vision GR0-ისა და G10 AI Glasses-ის შეძენას მიმდინარე წლის ბოლოს შეძლებენ.

AR Vision GR0-ის ღირებულება $500-ია და ის გაძლიერებული AR შესაძლებლობებით იქნება აღიჭურვა. ახალ მოწყობილობას 1080p გარჩევადობის მქონე micro-OLED ეკრანი და ჩაშენებული დინამიკები, ასევე მიკროფონი ექნება. სათვალის წონა 69 გრამს შეადგენს და ის ბაზარზე არსებული სხვა მსგავსი პროდუქტების იდენტურად მუშაობს.

რაც შეეხება მეორე, ბიუჯეტურ მოდელს, G10 AI Glasses-ის ფასი $300 იქნება. მოწყობილობას კამერა, მიკროფონი და დინამიკები ჩაშენებული აქვს, თუმცა ის არ არის აღჭურვილი ეკრანით. სათვალეში Google-ის Gemini-ზე დაფუძნებული ხელოვნური ინტელექტის ასისტენტი იქნება ინტერგირებული. აღსანიშნავი ფაქტია, რომ კომპანიამ პროდუქტის სამართავად სპეციალური აპლიკაცია AspireSync-ი გამოუშვა და ის iOS-ისა და Android-ის ოპერაციულ სისტემებზე იმუშავებს. როგორც ირკვევა, ამ სვლით ტექ-გიგანტს ბაზრის სრულად დაფარვა სურს.