მაღალი აქტივობა და კონკურენტული გარემო - როგორ აფასებს GCCA მშენებლობის ბაზარს?
კონკურენციისა და მომხმარებლის დაცვის სააგენტოს (GCCA) შეფასებით, 2025 წლის საცხოვრებელი და არასაცხოვრებელი შენობების მშენებლობის ბაზრის კონცენტრაციის ინდექსი დაბალი იყო, რაც მაღალ კონკურენციაზე მიუთითებს.
სტრატეგიული ბაზრების შეფასების ფარგლებში მომზადებული ანალიზი ასახავს მშენებლობის სექტორის ძირითად ეკონომიკურ მაჩვენებლებსა და კონკურენტულ გარემოს.
2025 წელს ბაზრის მიმართულებით 286 ეკონომიკური აგენტის ჯგუფი ოპერირებდა. ბაზრის საერთო მოცულობამ 3.5 მლრდ ლარი შეადგინა, ხოლო HHI ინდექსმა - 938.85, რაც ბაზრის ზომიერ კონცენტრაციაზე მიუთითებს.
სააგენტოს თანახმად, 2025 წლის მონაცემებით, საცხოვრებელი და არასაცხოვრებელი შენობების მშენებლობის სექტორი ხასიათდება მაღალი ეკონომიკური აქტივობითა და კონკურენტული გარემოთი.
ამასთან, ჰიდროელექტროსადგურების მშენებლობის ბაზრის მოცულობამ გასულ წელს 596.5 მლნ ლარი შეადგინა, ხოლო კონცენტრაციის HHI ინდექსი 525.8-ს გაუტოლდა.
შეგახსენებთ, “ფერი” მარნეულის მზის ელექტროსადგურის პროექტის მეწილე გახდა. სწორედ ამ კონცენტრაციის ფარგლებში შეფასდა ბაზარი.
BM.GE
წყარო: bm.ge