Meta-მ Nano Banana-სა და GPT Image 2.0-ის კონკურენტი შექმნა - რა არის Muse Image?

ამერიკული ტექნოლოგიური ინდუსტრიის გაგანტმა, Meta-მ ხელოვნური ინტელექტის ახალი მოდელი, Muse Image-ი წარადგინა. ის მომხმარებლებს უკვე არსებული სურათების რედაქტირებისა და ახალი კომპოზიციური ფოტოების შექმნის შესაძლებლობა მისცემს. კომპანიის აღმასრულებელმა დირექტორმა, მარკ ზაკერბერგმა ახალი მოდელის შესაძლებლობები Instagram-ზე თავად წარადგინა. მან კომპანიის ტექნოლოგიურ დირექტორთან, ენდრიუ ბოსვორთთან და ლაბორატორიის ხელმძღვანელთან, ალექსანდრ ვანგთან ერთად შექმნილი ფოტოები გამოაქვეყნა.

AI-ს ექსპერტები აღნიშნავენ, რომ Meta-ს მიერ შექმნილ ახალ ტექნოლოგიას ყველაზე მნიშვნელოვანი კომპონენტი, მომხმარებელთა პირადი მონაცემებისა დაცვა საკმარისად არ აქვს განვითარებული. მათი განცხადებით, Muse-ის დახმარებით, სოციალურ ქსელებში აქტიური ნებისმიერი სრულწლოვანი მომხმარებლის გამოსახულების გამოყენებით სურათის გენერირება ჩვეულებრივადაა შესაძლებელი, რაც ტექნოლოგიის ბოროტი მიზნებისთვის გამოყენების ალბათობას მკვეთრად ზრდის. ამ ფუნქციით უცხო ადამიანებს შეუძლიათ, რომ ნებისმიერი ადამიანის გამოსახულების ზუსტი ვიზუალური ასლი შექმნან. ეს პროცესი კი საზოგადოებაში ინტიმური ან სხვა სახის ყალბი ფოტოების გავრცელების რისკებს აჩენს.

რაც შეეხება ახალი ინსტრუმენტის ხელმისაწვდომობას, ინოვაციური მოდელი Meta AI-ის აპლიკაციაში, Instagram-სა და WhatsApp-ში უკვე ინტეგრირებულია. ტექნოლოგიური გიგანტი მალე ფუნქციის Facebook-ში, Messenger-სა და სარეკლამო პლატფორმებზე დამატებასაც გეგმავს.

შეგახსენებთ, ახალი ინსტრუმენტი Meta-ს სუპერინტელექტის ლაბორატორიის მიერ შექმნილი Muse Spark-ის მოდელების ოჯახს ეკუთვნის.