მსოფლიოში გასულ წელს 7,000 ჰუმანოიდი რობოტი გაიყიდა

გასულ წელს მსოფლიოში სამრეწველო და პროფესიული მომსახურების სექტორისთვის შექმნილი დაახლოებით 7,000 ჰუმანოიდი რობოტი გაიყიდა.

IFR-ის მიერ მომზადებული ამ მონაცემების თანახმად, ეს პირველი შემთხვევაა, როდესაც ინდუსტრიამ მრავალმილიარდიანი ინვესტიციებიდან სარგებლის მიღება შეძლო. თუმცა ფრანკფურტში დაფუძნებული ორგანიზაციის გენერალურმა მდივანმა, სუზან ბილერმა აღნიშნა, რომ ჰუმანოიდები რობოტების საერთო ბაზრის მხოლოდ მცირე ნაწილს შეადგენს.

მასშტაბის დასანახად, 2024 წელს საწარმოებში 542,000 სტანდარტული ინდუსტრიული რობოტი დამონტაჟდა, ტრანსპორტის, მომსახურებისა და დასუფთავების სექტორებში კი 199,000 სერვისული რობოტი გაიყიდა.

მნიშვნელოვანია ითქვას, რომ 2025 წელს რეალიზებული ჰუმანოიდების უდიდესი ნაწილი უშუალო საწარმოო საქმიანობაში ჩართული არ ყოფილა. მსგავსი რობოტები ძირითადად კვლევითმა ცენტრებმა და ტექნოლოგიურმა კომპანიებმა ხელოვნური ინტელექტის მოდელების გასაწვრთნელად, საექსპერიმენტო მონაცემების შეგროვების მიზნით შეიძინეს. როგორც ირკვევა, ამ ახალი მიმართულების ერთ-ერთი პირველი მომხმარებლები გლობალური ავტომწარმოებლები გახდნენ.

არსებული მცირე მაჩვენებლების მიუხედავად, ანალიტიკოსები უახლოეს წლებში ბაზრის მკვეთრ ზრდას პროგნოზირებენ. სპეციალისტები ზრდას ყველაზე მეტად ჩინეთში მოელიან, სადაც ინდუსტრიული რობოტების მსოფლიოში უდიდესი ბაზარი მდებარეობს. რაც შეეხება გრძელვადიან პერსპექტივას, Bank of America Global Research-ის პროგნოზით, მიმდინარე წელს ბაზარზე 90,000 ჰუმანოიდი რობოტი გამოჩნდება, 2030 წლისთვის კი მიწოდების მოცულობა 1.2 მილიონ ერთეულს მიაღწევს.