მთავრობამ ეკლესიას 5 600 კვ.მ-მდე ფართობის მიწის ნაკვეთები და ფართი 1-1 ლარად გადასცა, ხოლო 12 224 კვ.მ მიწა უსასყიდლოდ

მთავრობამ ეკლესიას 5600 კვ/მ-მდე არასასოფლო-სამეურნეო მიწის რამდენიმე ნაკვეთი და ფართი 1-1 ლარად გადასცა.

კერძოდ, ირაკლი კობახიძის ხელმოწერილი განკარგულებებიდან ირკვევა, რომ საქართველოს სამოციქულო ავტოკეფალურ მართლმადიდებელ ეკლესიას 1 ლარად გადაეცემა:

1. თბილისში გადაეცემა 3484 კვ/მ ფართობის მიწის ნაკვეთი ვაზისუბნის დასახლებაში, მახათას ტაძრის და სამხედრო ნაწილის მიმდებარედ.

2. თბილისში ფანასკერტელის ქუჩა 14-ის მიმდებარედ არსებული 21 და 59 კვ/მ მიწის ნაკვეთები;

3. თერჯოლის მუნიციპალიტეტში, სოფელ ზედა სიმონეთში, 35-ე ქუჩაზე მდებარე 2000 კვ/მ ფართობის მიწის ნაკვეთი;

4. ზუგდიდში, თამარ მეფის ქუჩაზე მდებარე 352 კვ.მ ფართი

გარდა ამისა, ერთ-ერთი განკარგულების თანახმად, ეკლესიას 99 წლის ვადით უსასყიდლო უზუფრუქტის უფლებით გადაეცემა 12 224 კვ.მ ფართობის მიწა აბაშის მუნიციპალიტეტის სოფელ ძველ აბაშაში.

„საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიებების განხორციელება“, - წერია განკარგულებებში.