ნავთობი 7%-ით გაძვირდა – მიზეზი ირანის გადაწყვეტილებაა
BM.GE|bm.ge
აშშ-ირანის სამშვიდობო მოლაპარაკების პროცესის ჩაშლის ფონზე, ნავთობის ფასი მყისიერად 7%-ით გაიზარდა და ბარელი Brent-ის ფასმა 97 დოლარს მიაღწია, ხოლო WTI-ის ფასი 94 დოლარამდე გაიზარდა.
როგორც ცოტა ხნის წინ გახდა ცნობილი, ირანელი მომლაპარაკებლები შუამავლების მეშვეობით აშშ-სთან შეტყობინებების გაცვლას და მოლაპარაკებას წყვეტენ, თეირანი კი ჰორმუზის სრუტის სრულად ჩაკეტვას იწყებს.
ირანული სამთავრობო მედიის განცხადებით, აღნიშნული გადაწყვეტილება მიმდინარე ცეცხლის შეწყვეტის რეჟიმის უხეში დარღვევის საპასუხოდ იქნა მიღებული. როგორც ირკვევა, Tasnim-ის მიერ სოციალურ ქსელში გავრცელებულ განცხადებაში ძირითადი ყურადღება ლიბანში, „ჰეზბოლას“ წინააღმდეგ ისრაელის სამხედრო ოპერაციებზეა გამახვილებული, რასაც თეირანი შეთანხმების დარღვევად მიიჩნევს.
გაზიარება:
BM.GE
წყარო: bm.ge