მთავარი
BM.GEწყარო
  1. მთავარი
  2. BM.GE
  3. პროკურატურა ღარიბაშვილის განცხადებებზე გამოძიებას არ დაიწყებს
პროკურატურა ღარიბაშვილის განცხადებებზე გამოძიებას არ დაიწყებს

პროკურატურა ღარიბაშვილის განცხადებებზე გამოძიებას არ დაიწყებს

BM.GE16 ნოემბერი, 2026, 22:56|bm.ge

ყოფილი პრემიერის ირაკლი ღარიბაშვილის უფლებების შესაძლო დარღვევის საკითხზე გამოძიება არ დაიწყება. მთავარ პროკურატურაში აცხადებენ, რომ ამ ეტაპზე წარმოდგენილი გარემოებები დანაშაულის ნიშნებს არ შეიცავს, რის გამოც გამოძიების დაწყება სამართლებრივ საფუძვლებს მოკლებულია.

"პროკურატურაში, სახალხო დამცველის აპარატიდან, 2026 წლის 11 ნოემბერს შემოვიდა წერილი, რომელიც მსჯავრდებულ ირაკლი ღარიბაშვილის უფლებების შესაძლო დარღვევის ფაქტს შეეხებოდა.

აღნიშნულ წერილს თან ერთვოდა ელექტრონული ბმულები, რომელთაგან ერთი შეეხებოდა მსჯავრდებულ ირაკლი ღარიბაშვილის კანონიერი ინტერესების დამცველი ადვოკატის - იოსებ ბარათაშვილის მიერ 2 ნოემბერს მედიასთან გაკეთებულ კომენტარს, ირაკლი ღარიბაშვილის უფლებების შესაძლო დარღვევის ფაქტზე გამოძიების დაწყების მოთხოვნით, ხოლო მეორე ირაკლი ღარიბაშვილის მიერ 9 ნოემბერს გაკეთებულ განცხადებას, მის მიმართ განხორციელებული ქმედებების შესახებ, რომელსაც ის მიიჩნევდა არაკანონიერად.

ვინაიდან, მსჯავრდებულ ირაკლი ღარიბაშვილის მიერ საჯაროდ გაცხადებული ინფორმაცია და ზემოაღნიშნულ წერილში მითითებულ ელექტრონულ ბმულებში მოყვანილი გარემოებები იყო ზოგადი და არ შეიცავდა კონკრეტული დანაშაულის ნიშნებს, დღეს, 16 ნოემბერს, ქვემო ქართლის საოლქო პროკურატურის საგამოძიებო სამმართველოს გამომძიებელი, შეხვდა მსჯავრდებულ ირაკლი ღარიბაშვილს, გასაუბრებისა და მის მიერ საჯაროდ გაკეთებული განცხადებაში მითითებული გარემოებების დაზუსტების მიზნით, თუმცა მსჯავრდებულმა ირაკლი ღარიბაშვილმა უარი განაცხადა ინფორმაციის მოწოდებაზე.

ყოველივე ზემოაღნიშნულიდან გამომდინარე, ვინაიდან, ირაკლი ღარიბაშვილისა და მისი კანონიერი ინტერესების დამცველი ადვოკატის საჯარო განცხადებებში მოყვანილი გარემოებები არ შეიცავს დანაშაულის შესახებ კონკრეტულ ინფორმაციას, აღნიშნულის საფუძველზე გამოძიების დაწყება ყოველგვარ სამართლებრივ საფუძვლებს მოკლებულია", - აღნიშნულია პროკურატურის განცხადებაში.

ირაკლი ღარიბაშვილმა ციხეში მიღებულ წერილთან დაკავშირებით გამოძიების დაწყების მოთხოვნით პროკურატურას ოფიციალურად დღეს, 16 ნოემბერს, მიმართა. 2026 წლის 24 აგვისტოს ირაკლი ღარიბაშვილს ახალი, კორუფციის შესახებ ბრალდება წარუდგინეს, რაც 11-დან 15 წლამდე პატიმრობას ითვალისწინებს. გამოძიების თანახმად, თავდაცვის ყოფილი მინისტრის, კორუფციისთვის მსჯავრდადებული ჯუანშერ ბურჭულაძის ჩვენებით მან გორის სამხედრო ჰოსპიტლის ტენდერში გამარჯვებული ბიზნესმენისგან, ზურაბ ტუკვაძისგან ქრთამად მიღებული 1,5 მილიონი ლარიდან 750 000 ლარი რამდენიმე ეტაპად პირადად გადასცა ყოფილ პრემიერს. მანამდე, 18 აგვისტოს გავრცელებულ წერილში ღარიბაშვილი ამბობდა, რომ მუქარის წერილი მიიღო მამუკა მდინარაძისგან, სადაც ის ახალი ბრალის აღიარებას ითხოვდა.

გაზიარება:

BM.GE

წყარო: bm.ge

ორიგინალი სტატია

თემა: გამოძიება

ამ თემას 6 ქართული წყარო აშუქებს — სულ 50 სტატია.

  • პაატა სალია ფეიქრიშვილზე ძალადობის საქმეში ყოფილი მაღალჩინოსნების ბრალეულობაზე: ეს ადამიანები დღეს არ არიან თანამდებობაზე, რათა არ გაჩენილიყო რაიმე კითხვა, ამიტომ გადავეცით ეს საქმე პროკურატურას, რომ გამოძიება ობიექტურად წარიმართოსრუსთავი 2
  • გამოძიების დაწყების საკითხი გადაწყდება ირაკლი ღარიბაშვილთან გასაუბრების შემდეგ - პროკურორიტვ პირველი
  • სკოლაში მე-4 კლასელზე სავარაუდო სექსუალურ ძალადობაზე საუბრობენ – დაწყებულია გამოძიებანეტგაზეთი
  • ადვოკატი ღარიბაშვილის მიმართ სავარაუდო წამების ფაქტზე გამოძიების დაწყებას ითხოვსფორმულა
გამოძიება →ღარიბაშვილის →

მსგავსი სტატიები

საქართველოს ბიზნეს ასოციაციამ (BAG) კონფერენცია „ბიზნესგარემო საქართველოში, დიალოგი მთავრობასა და ბიზნესს შორის“ გამართა

საქართველოს ბიზნეს ასოციაციამ (BAG) კონფერენცია „ბიზნესგარემო საქართველოში, დიალოგი მთავრობასა და ბიზნესს შორის“ გამართა

BM.GE

DataFest Tbilisi 2026-ის პროგრამა გამოქვეყნდა: რა დაგხვდებათ წელს ფესტივალზე

DataFest Tbilisi 2026-ის პროგრამა გამოქვეყნდა: რა დაგხვდებათ წელს ფესტივალზე

BM.GE

საქართველოში ღორების სულადობა შემცირდა | საქსტატი

საქართველოში ღორების სულადობა შემცირდა | საქსტატი

BM.GE

რა ეკონომიკური კავშირები აქვს საქართველოს კატართან?

რა ეკონომიკური კავშირები აქვს საქართველოს კატართან?

BM.GE