რა ქონებას ფლობს ფინანსთა მინისტრის მოადგილე?|მიხეილ დუნდუამ ქონებრივი დეკლარაცია შეავსო

საქართველოს ფინანსთა მინისტრის მოადგილემ მიხეილ დუნდუამ 2025 წელს 102 124 ლარის ხელფასი აიღო.

საჯარო მოხელემ ქონებრივი დეკლარაცია შეავსო, საიდანაც ირკვევა, რომ გასულ წელს ფინანსთა მინისტრის მოადგილემ თეთრიწყაროს რაიონის სოფელ ორბეთში 818 კვ.მ.-ის მიწის ნაკვეთი 9500 დოლარად შეიძინა. მის სახელზეა რეგისტრირებული თბილისში, კალისტრატე ქუთათელაძის ქუჩაზე 2019 წელს შეძენილი 2 ბინა; თბილისში, სოფელ აგარაკში 1000 კვ.მ.-ის მიწის ნაკვეთი.

მიხეილ დუნდუა არის კომპანიების „ქეფითალ რისერჩ სენთერის“ და „ჯორჯიან ბიზნეს კონსალტინგის“ 100%-იანი წილების მფლობელი.

დეკლარაციის თანახმად, ფინანსთა მინისტრის მოადგილემ მკურნალობაზე 7 000 ევრო დახარჯა. მისმა ცოლმა, ლანა ებრალიძემ კი „გრიგოლ რობაქიძის სახელობის უნივერსიტეტის“ დეკანის მოადგილისა და ლექტორის პოზიციაზე 10 თვეში 3 200 ლარის შემოსავალი მიიღო.