მთავარი
BM.GEწყარო
  1. მთავარი
  2. BM.GE
  3. რაზე ისაუბრეს სამმხრივ შეხვედრაზე ტრამპმა, სი ძინპინმა და პუტინმა?
რაზე ისაუბრეს სამმხრივ შეხვედრაზე ტრამპმა, სი ძინპინმა და პუტინმა?

რაზე ისაუბრეს სამმხრივ შეხვედრაზე ტრამპმა, სი ძინპინმა და პუტინმა?

BM.GE19 ნოემბერი, 2026, 19:00|bm.ge

აშშ-ის პრეზიდენტმა დონალდ ტრამპმა, ჩინეთის ლიდერმა სი ძინპინმა და რუსეთის პრეზიდენტმა ვლადიმერ პუტინმა ჩინეთის ქალაქ შენჭენში, APEC-ის სამიტის ფარგლებში, ისტორიაში პირველი სამმხრივი მოლაპარაკებები გამართეს.

ჩინეთის სახელმწიფო მედიის ცნობით, დაგეგმილი ერთი საათის ნაცვლად, შეხვედრა დაახლოებით საათ-ნახევარს გაგრძელდა. მოლაპარაკებების მთავარი თემები ბირთვული განიარაღება, გლობალური უსაფრთხოება და უკრაინაში მიმდინარე ომი იყო.

დონალდ ტრამპმა შეხვედრას ისტორიული უწოდა და აღნიშნა, რომ აშშ, რუსეთი და ჩინეთი, როგორც მსოფლიოს უმსხვილესი ბირთვული სახელმწიფოები, არსენალის შემცირების განსახილველად უნიკალურ პოზიციაში არიან და მათ ქმედითი ნაბიჯები უნდა გადადგან.

სიტყვით გამოსვლისას თეთრი სახლის ლიდერმა ყურადღება გაამახვილა სისხლის სამართლის საერთაშორისო სასამართლოზეც, ის გააკრიტიკა და "კონტროლიდან გასულად" მოიხსენია.

თავის მხრივ, სი ძინპინმა ლიდერებს ბირთვული ომის თავიდან ასაცილებლად ყველა ზომის მიღებისკენ მოუწოდა და განაცხადა, რომ ბირთვული იარაღი სრულად უნდა აიკრძალოს და განადგურდეს. ჩინეთის პრეზიდენტის თქმით, მხარეებმა ბირთვული იარაღის გაუვრცელებლობის შესახებ ხელშეკრულება უნდა დაიცვან და კრიზისების პრევენციის მექანიზმები შექმნან.

რაც შეეხება რუსეთის ლიდერს, ვლადიმერ პუტინმა აღნიშნა, რომ სამ ქვეყანას, მათ შორის უკრაინის ომის დასრულების კუთხით, ბევრი თანმხვედრი ინტერესი აქვს და საჭიროა ამ პოზიციების კიდევ უფრო დაახლოება.

მან ასევე დასძინა, რომ ვაშინგტონი, პეკინი და მოსკოვი საერთაშორისო მშვიდობისა და უსაფრთხოების შენარჩუნებაზე საერთო პასუხისმგებლობას იზიარებენ და ეს რეალურ შედეგებში უნდა აისახოს.

კონფლიქტებზე საუბრისას თავისი პოზიცია გააჟღერა სი ძინპინმაც, რომელმაც თქვა, რომ ომებში ჩართულმა მხარეებმა უპირატესობა დიპლომატიურ მეთოდებს უნდა მიანიჭონ და ერთმანეთის "წითელ ხაზებს" პატივი სცენ. მისივე განცხადებით, მიწოდების ჯაჭვების შეფერხების ნაცვლად, ქვეყნებმა ეკონომიკური თანამშრომლობა უნდა გააფართოონ.

გაზიარება:

BM.GE

წყარო: bm.ge

ორიგინალი სტატია

თემა: ტრამპი

ამ თემას 5 ქართული წყარო აშუქებს — სულ 125 სტატია.

  • სი ძინპინი, დონალდ ტრამპი და ვლადიმერ პუტინი სამმხრივ შეხვედრაზე შეიკრიბნენფორმულა
  • ჯეი დი ვენსის განცხადებით, დონალდ ტრამპი არ დაუშვებს, რომ ირანთან კონფლიქტი უსასრულო ომად გადაიქცესრუსთავი 2
  • ტრამპი: ჩინეთში პუტინთან და სი ძინპინთან შეხვედრაზე უკრაინის საკითხსაც განვიხილავთტვ პირველი
  • ალიევი იმედოვნებს, რომ ტრამპს ნობელის მშვიდობის პრემია მიენიჭებანეტგაზეთი
ტრამპი →

მსგავსი სტატიები

სავალუტო შემოდინებები შენელდა, თუმცა ლარი სტაბილური რჩება - TBC Capital-ის მაკროეკონომიკური განახლება

სავალუტო შემოდინებები შენელდა, თუმცა ლარი სტაბილური რჩება - TBC Capital-ის მაკროეკონომიკური განახლება

BM.GE

"ადგილზე 150-მდე მეხანძრე-მაშველია მობილიზებული" - საგანგებო სიტუაციების მართვის სამსახური

"ადგილზე 150-მდე მეხანძრე-მაშველია მობილიზებული" - საგანგებო სიტუაციების მართვის სამსახური

BM.GE

ავტოქროსი იმედი L-ისგან - მაღალი გამავლობის ავტომობილების დაზღვევა ფიქსირებულ ფასად

ავტოქროსი იმედი L-ისგან - მაღალი გამავლობის ავტომობილების დაზღვევა ფიქსირებულ ფასად

BM.GE

გადაიხედება თუ არა DRG-ის ტარიფები? - მინისტრის პასუხი

გადაიხედება თუ არა DRG-ის ტარიფები? - მინისტრის პასუხი

BM.GE