როგორია ASML-ის ფინანსური შედეგები?

ნახევარგამტარების წარმოებისთვის განკუთვნილი აღჭურვილობის უმსხვილესმა მომწოდებელმა, ჰოლანდიურმა კომპანია ASML-მა მიმდინარე წლის მეორე კვარტალში ინვესტორების მოლოდინებზე უკეთესი ფინანსური შედეგები დააფიქსირა, რაც ხელოვნური ინტელექტის სექტორში გაზრდილი მოთხოვნით არის განპირობებული.

კომპანიის შემოსავალმა საანგარიშო პერიოდში €9.33 მილიარდი შეადგინა, რაც ანალიტიკოსების მიერ პროგნოზირებულ €8.80 მილიარდს მნიშვნელოვნად აჭარბებს. ბანკის სუფთა მოგება საანგარიშო პერიოდში €2.92 მილიარდამდე გაიზარდა, მაშინ როდესაც ბაზრის მოლოდინი €2.62 მილიარდს არ აღემატებოდა. რაც შეეხება ერთ აქციაზე გამომუშავებულ მოგებას, ამ მაჩვენებელმა ანალიტიკოსების წინასწარ საპროგნოზო ნიშნულებს გადააჭარბა.

როგორც ირკვევა, წარმატებული კვარტალური მაჩვენებლების გათვალისწინებით, ევროპის უმსხვილესმა ტექნოლოგიურმა კომპანიამ 2026 წლის ფინანსურ პროგნოზს გადახედა. ASML-ის განახლებული გეგმით, 2026 წლისთვის წლიური სუფთა შემოსავალი €43 მილიარდიდან €45 მილიარდამდე დიაპაზონში განისაზღვრა, რაც წინა პროგნოზთან შედარებით საშუალოდ 16%-იან ზრდაზე მიუთითებს.

რაც შეეხება რეაქციას საფონდო ბირჟაზე, სავაჭრო სესიის გახსნის შემდეგ ASML-ის აქციების ფასი ამსტერდამის ბირჟაზე 7%-ით გაიზარდა და მისმა კაპიტალიზაციამ 624 მილიარდ ევროს მიაღწია.