რუსეთი სომხეთიდან ხილისა და ბოსტნეულის იმპორტს აკრძალავს

რუსეთის ვეტერინარული და ფიტოსანიტარული ზედამხედველობის ფედერალუი სამსახური, „როსსელხოზნადზორი" 2026 წლის 30 მაისიდან სომხეთიდან რუსეთში ხილისა და ბოსტნეულის იმპორტს აკრძალავს.

კერძოდ, ეს პროდუქტებია: პომიდვრი, კიტრი, წიწაკა, მწვანე ბოსტნეული და მარწყვი.

სააგენტოს განცხადებაში ნათქვამია, რომ მიწოდებაზე „დროებითი შეზღუდვები“ დაწესდება, „სანამ არ შემუშავდება შესაბამისი ალგორითმი საიმპორტო პროდუქციის უსაფრთხოების უზრუნველსაყოფად“.„გადაწყვეტილება მიღებულ იქნა სომხური ხილისა და ბოსტნეულის პროდუქტების რუსეთში მიწოდებისას დარღვევების რაოდენობის ზრდასთან დაკავშირებით და ფიტოსანიტარიული უსაფრთხოების უზრუნველყოფის მიზნით“, - ნათქვამია „როსსელხოზნადზორის“ განცხადებაში. განცხადების თანახმად, 2026 წლის 21 მაისიდან 27 მაისამდე უწყებამ ჩაატარა სომხური საწარმოების შემოწმება, „რომლის დროსაც გამოვლინდა არაერთი დარღვევა“.