საგამოძიებო სამსახურის უფროსს ახალი მოადგილე, საგამოძიებო დეპარტამენტს კი ახალი ხელმძღვანელი ჰყავს
საქართველოს ფინანსთა სამინისტროს საგამოძიებო სამსახურის უფროსმა, ლევან ხარაბაძემ, დეპარტამენტის ხელმძღვანელებს ახალი მოადგილე გიგა ნამიჭეიშვილი წარუდგინა.
ამასთან, უწყების ინფორმაციით, შეხვედრაზე, სამსახურის უფროსმა თანამშრომლებს საგამოძიებო დეპარტამენტის ახალი ხელმძღვანელი კობა კოპალიანი გააცნო.
პრესრელიზის თანახმად, ლევან ხარაბაძემ ხელმძღვანელ პირებს ნდობა გამოუცხადა, მათ პროფესიულ გამოცდილებაზე გაამახვილა ყურადღება და სამომავლო საქმიანობაში წარმატებები უსურვა.
გიგა ნამიჭეიშვილი 2025 წლიდან საგამოძიებო სამსახურის საგამოძიებო დეპარტამენტის თბილისის მთავარი სამმართველოს უფროსის თანამდებობას იკავებდა.
ახლად დანიშნულ ხელმძღვანელებს სამართალდამცავ ორგანოებსა და საჯარო სამსახურში მუშაობის მრავალწლიანი სტაჟი აქვთ. ისინი სხვადასხვა პერიოდში საპასუხისმგებლო პოზიციებს იკავებდნენ როგორც ფინანსთა სამინისტროს საგამოძიებო სამსახურში, ისე შინაგან საქმეთა სამინისტროსა და სახელმწიფო უსაფრთხოების სამსახურში.
BM.GE
წყარო: bm.ge