საკონსტიტუციო სასამართლოში გიორგი კვერენჩხილაძეს გოგა კიკილაშვილი ჩაანაცვლებს
BM.GE|bm.ge
მიხეილ ყაველაშვილმა საკონსტიტუციო სასამართლოს მოსამართლის პოსტზე გოგა კიკილაშვილი დანიშნა.
კიკილაშვილი საკონსტიტუციო სასამართლოში გიორგი კვერენჩხილაძეს ჩაანაცვლებს, რომელსაც მოსამართლეობის 10-წლიანი უფლებამოსილების ვადა მიმდინარე წლის 2 ოქტომბერს ეწურება.
საქართველოს კონსტიტუციის მე-60 მუხლის შესაბამისად, საკონსტიტუციო სასამართლო 9 მოსამართლისგან შედგება, რომლებიც თანამდებობაზე 10 წლის ვადით განწესდებიან.
ორგანოს დაკომპლექტება სამი შტოდან თანაბრად ხდება:
• 3 მოსამართლეს ნიშნავს საქართველოს პრეზიდენტი; • 3 მოსამართლეს სრული შემადგენლობის არანაკლებ სამი მეხუთედის უმრავლესობით ირჩევს საქართველოს პარლამენტი; • 3 მოსამართლეს ნიშნავს უზენაესი სასამართლო.
გაზიარება:
BM.GE
წყარო: bm.ge