საქართველოდან რუსეთში ექსპორტი მზარდია - რას და რამდენს ვყიდით|5 წლის ტენდენცია
რუსეთში საქართველოდან ექსპორტი გაიზარდა. მიმდინარე წლის პირველი ოთხი თვის მონაცემების თანახმად, ჩრდილოეთ მეზობელ ქვეყანაში საქართველოდან ადგილობრივმა ექსპორტმა 182,6 მლნ აშშ დოლარი შეადგინა, მაშინ როცა გასული წლის ანალოგიურ პერიოდში ადგილობრივი ექსპორტი 173,4 მლნ აშშ დოლარი იყო. ოთხი თვის ჭრილში გაზრდილია ექსპორტის მონაცემებიც 199,3 მლნ აშშ დოლარამდე, მაშინ როცა 2025 წლის იანვარ-აპრილში 189,5 მლნ აშშ დოლარი იყო.
ექსპორტში პირველ ადგილს ყურძნის ნატურალური ღვინოები იკავებს. სამეულშია სპირტიანი სასმელები და მინერალური და მტკნარი წყლები.
რაც შეეხება წლიურ ჯამურ მონაცემებს, საქსტატის სტატისტიკა აჩვენებს, რომ ბოლო ხუთი წელია რუსეთში ექსპორტი და ადგილობრივი ექსპორტი მზარდია. თუ 2020 წლის მონაცემებს 2025 წლის ჯამურ სტატისტიკას შევადარებთ, ვნახავთ, რომ ექსპორტი საქართველოდან რუსეთში თითქმის გაორმაგებულია.
2020 წელი - 440,6 მლნ აშშ დოლარი
2021 წელი - 610 მლნ აშშ დოლარი
2022 წელი - 642,4 მლნ აშშ დოლარი
2023 წელი - 657 მლნ აშშ დოლარი
2024 წელი - 679,6 მლნ აშშ დოლარი
2025 წელი - 749,2 მლნ აშშ დოლარი
რაც შეეხება საექსპორტო საქონელს, 2025 წლის ჯამური მონაცემებით, TOP-10-ეული შემდეგნაირად გამოიყურება:
• ყურძნის ნატურალური ღვინოები - 179,6 მლნ აშშ დოლარი • სპირტიანი სასმელები - 157,9 მლნ აშშ დოლარი • მინერალური და მტკნარი წყლები - 71 მლნ აშშ დოლარი • გაზიანი შაქრიანი სასმელები - 50,7 მლნ აშშ დოლარი • ნაყოფი და მცენარის სხვა ნაწილები, სხვა წესით დამზადებული ან დაკონსერვებული - 50,3 მლნ აშშ დოლარი • ნაყოფები სხვა, ახალი - 48,5 მლნ აშშ დოლარი • გარგარი, ალუბალი და ბალი, ატამი, ქლიავი და ღოღნოშო - 34,8 მლნ აშშ დოლარი • ნარევები გამოსაყენებელი სასმელების წარმოებაში - 21,2 მლნ აშშ დოლარი • კარტოფილი, ახალი ან შეყინული - 20,5 მლნ აშშ დოლარი • ციტრუსები - 16 მლნ აშშ დოლარი