მთავარი
BM.GEწყარო
  1. მთავარი
  2. BM.GE
  3. სასაკლაოების რაოდენობა გაიზარდა, მომსახურება გაძვირდა | საქსტატი
სასაკლაოების რაოდენობა გაიზარდა, მომსახურება გაძვირდა | საქსტატი

სასაკლაოების რაოდენობა გაიზარდა, მომსახურება გაძვირდა | საქსტატი

BM.GE16 ნოემბერი, 2026, 20:40|bm.ge

2026 წლის III კვარტალში საქართველოში მოქმედი სასაკლაოების რაოდენობა 119-მდე გაიზარდა. უფრო კონკრეტულად, 2025 წლის III კვარტალში ქვეყანაში 113 სასაკლაო ფუნქციონირებდა, შესაბამისად, ერთ წელიწადში მათი რაოდენობა 6 ობიექტით გაიზარდა.

ობიექტების რაოდენობის მატების მიუხედავად, დაკლული პირუტყვისა და ფრინველის მაჩვენებლები განსხვავებული დინამიკით შეიცვალა. საქსტატის მონაცემებით, საანგარიშო პერიოდში სასაკლაოებში 153.1 ათასი სული პირუტყვი დაიკლა, რაც გასული წლის ანალოგიური პერიოდის 129.4 ათასთან შედარებით 18.3%-ით მეტია. საპირისპიროდ, დაკლული ფრინველის რაოდენობა 3.27 მილიონიდან 2.03 მილიონამდე შემცირდა, რაც 38%-იანი კლებაა.

საანგარიშო პერიოდში სასაკლაოებში სულ 15.6 ათასი ტონა ხორცი აწარმოვეს, რომლის უდიდესი წილი ღორისა და მსხვილფეხა რქოსანი პირუტყვის ხორცზე მოდიოდა. საქსტატის მონაცემებით, დაკლული პირუტყვის 68% ღორი იყო, 25% - მსხვილფეხა რქოსანი პირუტყვი, 5.4% - ცხვარი და თხა, ხოლო დარჩენილი 1.6% სხვა სახეობის პირუტყვზე მოდიოდა.

კვლევის მიხედვით, ერთი მსხვილფეხა რქოსანი პირუტყვის დაკვლის საშუალო საფასური 39.9 ლარიდან 48.2 ლარამდე გაიზარდა, ღორის - 31.8 ლარიდან 37.7 ლარამდე, ხოლო ცხვრის ან თხის - 14.2 ლარიდან 17.5 ლარამდე გაძვირდა.

წარმოებული ხორცის სტრუქტურაშიც ყველაზე დიდი წილი ღორის ხორცს ეკავა - 44.9%. მსხვილფეხა რქოსანი პირუტყვის ხორცის წილი 30.5% იყო, ფრინველის ხორცის - 23.8%, ხოლო ცხვრისა და თხის ხორცის - 0.8%.

რაც შეეხება სასაკლაოების გეოგრაფიულ განაწილებას, ყველაზე მეტი ობიექტი კახეთსა და იმერეთში ფუნქციონირებდა - თითოეულ რეგიონში 23 სასაკლაო. მათ მოსდევდა შიდა ქართლი 22 ობიექტით და ქვემო ქართლი - 17-ით. სამეგრელო-ზემო სვანეთში 9 სასაკლაო იყო, მცხეთა-მთიანეთში - 8, აჭარაში 7, გურიაში - 5, თბილისში - 3, ხოლო სამცხე-ჯავახეთში - 2.

საქსტატის მიხედვით, საანგარიშო პერიოდში სასაკლაოების მომსახურებით 9.3 ათასმა პირმა ისარგებლა. მათ შორის 43.2% შინამეურნეობებზე მოდიოდა. სექტორში დასაქმებულთა საშუალო თვიურმა რაოდენობამ კი 1 076 ადამიანი შეადგინა.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

"ანაკლია", გაზის კონტრაქტი, "იგლ ჰილსი" - პარტია "გახარია საქართველოსთვის" მარიამ ქვრივიშვილს პარლამენტში იბარებს

"ანაკლია", გაზის კონტრაქტი, "იგლ ჰილსი" - პარტია "გახარია საქართველოსთვის" მარიამ ქვრივიშვილს პარლამენტში იბარებს

BM.GE

მუხრანში კუსტარულად მოწყობილ ცხოველთა სასაკლაოს წარმოება შეუჩერდა | სეს

მუხრანში კუსტარულად მოწყობილ ცხოველთა სასაკლაოს წარმოება შეუჩერდა | სეს

BM.GE

ინფლაციის მთავარი მდგენელი საგარეო შოკია - ნათია თურნავა

ინფლაციის მთავარი მდგენელი საგარეო შოკია - ნათია თურნავა

BM.GE

წყალტუბოს დაბალი ცნობადობა და ინფრასტრუქტურის ნაკლებობა ინვესტიციების მოზიდვას აფერხებს – მაია წერეთელი

წყალტუბოს დაბალი ცნობადობა და ინფრასტრუქტურის ნაკლებობა ინვესტიციების მოზიდვას აფერხებს – მაია წერეთელი

BM.GE