შეშფოთებულნი ვართ საქართველოს მთავრობის სიძულვილის ენის წინააღმდეგ ბრძოლის განყოფილების გამო - აშშ-ის საელჩო
საქართველოში შეერთებული შტატების საელჩო „რადიო თავისუფლების“ კითხვაზე პასუხად აცხადებს, რომ შეშფოთებულია საქართველოს მთავრობის ახლადდაარსებული „სიძულვილის ენის წინააღმდეგ ბრძოლის სამმართველოს“ გამო.
საელჩო ხაზს უსვამს, რომ პრეზიდენტ დონალდ ტრამპის ადმინისტრაცია და აშშ სიტყვის თავისუფლებას მიიჩნევენ ფუნქციონირებადი საზოგადოების ფუნდამენტურ საფუძვლად და „მტკიცედ ეწინააღმდეგებიან ცენზურას“.
რა კითხვებით მიმართა მედიამ საელჩოს
„რადიო თავისუფლებამ“ აშშ-ის დიპლომატიურ წარმომადგენლობას შეკითხვით 22 ივლისს მიმართა. ამას წინ უძღოდა სამართალდამცავების მიერ ჟურნალისტ ვახო სანაიას 15 დღით დაპატიმრება სოციალურ ქსელში „ქართული ოცნების“ პოლიტიკოსების, პარლამენტის სპიკერ შალვა პაპუაშვილისა და დეპუტატი ლადო ბოჟაძისადმი შეურაცხმყოფელი ფეისბუკ-პოსტის გამო.
გამოცემა წერს, რომ საელჩოს შემდეგი კითხვები დაუსვეს:
• შეგიძლიათ თუ არა, კომენტარი გააკეთოთ ცნობილი ქართველი ჟურნალისტის, ვახო სანაიას, ორკვირიან პატიმრობაზე — აღნიშნული საფუძვლის გამო? • შინაგან საქმეთა სამინისტროს „სიძულვილის ენის წინააღმდეგ ბრძოლის სამმართველომ“ უკვე დაამუშავა ათეულობით საქმე, სადაც სოციალურ ქსელებში გამოქვეყნებული პოსტებისა და კომენტარების გამო მოქალაქეები დააჯარიმეს, და საქართველოს სასამართლოები მსგავს საქმეებს თითქმის ყოველდღიურად განიხილავენ; • იმის გათვალისწინებით, რომ შეერთებულმა შტატებმა არაერთხელ გააკრიტიკა თავისი ევროპელი მოკავშირეები გამოხატვის თავისუფლების აღქმული შეზღუდვების გამო, როგორ აფასებს აშშ-ის საელჩო საქართველოში ბოლო პერიოდში განვითარებულ მოვლენებს შემდეგ საკითხებთან დაკავშირებით: სიტყვის თავისუფლება, მედიის თავისუფლება და ხელისუფლების კრიტიკოსების მიმართ მოპყრობა? • აშშ-ის საელჩოს სრული პასუხი
28 ივლისს აშშ-ის საელჩოს სპიკერმა „რადიო თავისუფლებას“ წერილობითი პასუხი გაუგზავნა, სადაც ნათქვამია: