სურსათის ეროვნულმა სააგენტომ ფოთში რესტორან „ჯარგვალს“ საწარმოო პროცესი შეუჩერა - მიზეზები

სურსათის ეროვნულმა სააგენტომ ფოთში მდებარე რესტორანს, „ჯარგვალს“ საწარმოო პროცესი შეუჩერა და ბიზნესოპერატორი დააჯარიმა.

უწყების ინფორმაციით, სამეგრელო-ზემო სვანეთის დეპარტამენტის ინსპექტორებმა სახელმწიფო კონტროლის ფარგლებში არაგეგმურად შეამოწმეს კვების ობიექტი შპს „ჯარგვალი 2026“

კომპანია, რომელიც 2026 წელს აპრილში დარეგისტრირდა სამი პარტნიორის საკუთრებაა: ლალი რურუა 75%, დომენტი კილასონია 12.5, ანჟელა ხეცურიანი 12.5%.

ინსპექტირების შედეგად ობიექტზე კრიტიკული შეუსაბამობები გამოვლინდა, კერძოდ:

• არასათანადო რეცხვა-დეზინფექცია; • ჰიგიენური ნორმების დარღვევა; • ინფრასტრუქტურის გაუმართაობა; • მიკვლევადობისა და ეტიკეტირების მოთხოვნების დარღვევა.

გარდა ამისა, სააგენტოს ცნობით, ბიზნესოპერატორი საერთოდ არ იყო რეგისტრირებული ეკონომიკურ საქმიანობათა რეესტრში.

გამოვლენილი დარღვევების გამო, ბიზნესოპერატორი კანონმდებლობის შესაბამისად დაჯარიმდა და გამოვლენილი კრიტიკული შეუსაბამობების გამოსწორებამდე საწარმოო პროცესი შეუჩერდა.

სურსათის ეროვნული სააგენტო კიდევ ერთხელ მოუწოდებს ბიზნესოპერატორებს, სურსათის წარმოების, გადამუშავებისა და რეალიზაციის ყველა ეტაპზე მაქსიმალურად დაიცვან კანონმდებლობით დადგენილი სურსათის უვნებლობის მოთხოვნები და სტანდარტები.