"თბილისის ზღვაზე" წყალმომარაგების რეჟიმები და ინფრასტრუქტურის მართვა რეგულირდება

მთავრობის გადაწყვეტილებით, თბილისის წყალსაცავი, რომელიც ზემო სამგორის სარწყავი სისტემის ნაწილია, მართვის ახალ წესზე გადადის. ოფიციალური უწყებების განმარტებით, ცვლილებების მიზანი წყალსაცავის უსაფრთხო ექსპლუატაცია და წყლის რესურსების რაციონალური გამოყენებაა.

განკარგულების თანახმად, პროცესი რამდენიმე ეტაპად უნდა განხორციელდეს:

• ქონების რეგისტრაცია: სახელმწიფო ქონების ეროვნულმა სააგენტომ, შპს „საქართველოს მელიორაციის“ მიმართვის საფუძველზე, თბილისის წყალსაცავის შეტბორვის ზონაში არსებული უძრავი ქონების სახელმწიფო საკუთრებად რეგისტრაცია უნდა უზრუნველყოს. • კაპიტალში გადაცემა: საჯარო რეესტრში რეგისტრაციის დასრულების შემდეგ, ქონება „საქართველოს მელიორაციის“ სარგებლობაში და საწარმოს კაპიტალში გადავა. აღნიშნულ პროცესში გარემოს დაცვისა და სოფლის მეურნეობის სამინისტროც არის ჩართული. • შეთანხმება ლიცენზიანტთან: კანონმდებლობის მიხედვით, შპს „საქართველოს მელიორაციამ“ წყალმომარაგების ლიცენზიანტთან ხელშეკრულება უნდა გააფორმოს. დოკუმენტმა უნდა დაარეგულიროს წყალსაცავის ექსპლუატაციის, შევსების, დაცლისა და დონის შენარჩუნების წესები. არსებული სანიტარიული ზონებისა და სალიცენზიო პირობების გათვალისწინებით.

თბილისის წყალსაცავი კომპლექსური დანიშნულების ობიექტია, რომელიც ერთდროულად ირიგაციისა და დედაქალაქის წყალმომარაგების სისტემის ნაწილს წარმოადგენს.