თბილისში, საკონდიტრო „თამპას“ დარღვევების გამო საწარმოო პროცესი შეუჩერდა - სეს

თბილისში, ქსნის ქუჩაზე მდებარე საკონდიტრო საწარმო „თამპას“ საწარმოო პროცესი შეუჩერდა.

სურსათის ეროვნული სააგენტოს ინფორმაციით, თბილისის დეპარტამენტის ინსპექტორებმა, შპს "თამპა“ (მისამართი: ქსნის ქუჩა N12) არაგეგმურად შეამოწმეს.

„ინსპექტირებისას ობიექტზე დაფიქსირდა კრიტიკული შეუსაბამობები, ჰიგიენური ნორმების დარღვევა და ინფრასტრუქტურის გაუმართაობა. ამავდროულად, ბიზნესოპერატორი ეკონომიკურ საქმიანობათა რეესტრში რეგისტრაციის გარეშე საქმიანობდა.

აღნიშნული დარღვევების გამო, ობიექტი დაჯარიმდა და შეუსაბამობების აღმოფხვრამდე და რეგისტრაციამდე საწარმოო პროცესი შეუჩერდა“, - ნათქვამია გავრცელებულ ინფორმაციაში.

სურსათის ეროვნული სააგენტო მოუწოდებს ბიზნესოპერატორებს, საქმიანობა კანონმდებლობის მოთხოვნების და სურსათის უვნებლობის სტანდარტების დაცვით აწარმოონ.