თბილისში საცხოვრებელი უძრავი ქონება გაძვირდა - როგორია უბნების მიხედვით მ²-ზე მედიანური ფასი?

2026 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 0.9%-ით გაიზარდა, ხოლო ინდექსის წლიურმა ზრდამ 4.9% შეადგინა. 2020 წლის საშუალოსთან შედარებით ინდექსი 63.8%-ით არის გაზრდილი.

საქსტატში განმარტავენ, რომ RPPI-ის დაფარვა შემოიფარგლება ქ. თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს.

2026 წლის მეორე კვარტალში, წინა კვარტალთან შედარებით, ფასების ზრდა დაფიქსირდა როგორც საცხოვრებელი ბინების სეგმენტში (0.9%), ისე კერძო სახლების სეგმენტში (0.9%). 2025 წლის მეორე კვარტალთან შედარებით ფასების ზრდა დაფიქსირდა ორივე სეგმენტში - ბინებზე 4.8%-ით, ხოლო კერძო სახლებზე 5.5%-ით.

აღნიშნულ პერიოდში, ბინების და კერძო სახლების შემთხვევაში 1მ²-ის მედიანური ღირებულება ყველაზე მაღალი მთაწმინდასა და ვაკეში იყო.

2026 წლის II კვარტალში ახალაშენებული (დასრულებული) საცხოვრებლების სეგმენტში 1მ²-ის მედიანური ღირებულება, თბილისის უბნების მიხედვით ასეთია: