ტრამპი ზელენსკის რუსეთთან ზავის დადებას აიძულებს - CNBC

CNBC-ის ინფორმაციით, დონალდ ტრამპი უკრაინის პრეზიდენტის, ვოლოდიმირ ზელენსკის ენერგეტიკული ზავის დადებაზე დაყოლიებას და რუსეთთან შეთანხმების იძულებას ცდილობს.

ამერიკის ლიდერის განცხადებით, ომის გამო მოსკოვმა დიზელის საწვავის ინდუსტრიაზე კონტროლი დაკარგა და უკრაინული შეტევები უკვე საფრთხეს გლობალურ ენერგეტიკულ ბაზარს უქმნის.

როგორც ირკვევა, ორი ქვეყნის ლიდერის შეხვედრა ნიუ-იორკში, გაეროს გენერალური ასამბლეის ფარგლებში გაიმართება. მხარეები უკრაინის საჰაერო თავდაცვის სისტემების გაძლიერებას, რუსულ ნავთობსადგურებზე უკრაინული დრონების იერიშებსა და კონფლიქტის დასრულების შესაძლო გზებს განიხილავენ.

სოციალურ ქსელ Truth Social-ში გამოქვეყნებულ განცხადებაში დონალდ ტრამპმა აღნიშნა, რომ უკრაინული დარტყმების შედეგად რუსეთში დიზელის გადამუშავების მრავალი ობიექტი მწყობრიდან გამოვიდა. მისი თქმით, ეს ომი გლობალურ ეკონომიკას მძიმე ტვირთად აწვება და იგი დაუყოვნებლივ უნდა დასრულდეს.

საპასუხოდ, უკრაინის პრეზიდენტმა განაცხადა, რომ კიევი მზადაა დეესკალაციის მიმართულებით ნაბიჯები გადადგას, თუმცა მხოლოდ იმ პირობით, თუ რუსეთი უკრაინის ენერგოსექტორზე, კრიტიკულ ინფრასტრუქტურასა და სოფლის მეურნეობის ექსპორტზე თავდასხმებს სრულად შეწყვეტს.