უკრაინამ ბაშკირეთში "ტრანსნეფტის" ნავთობბაზას დაარტყა
უკრაინულმა სამხედრო ძალებმა 23 ივლისის დილას ბაშკირეთში მდებარე "სუბხანკულოვოს" საწარმოო-დისპეტჩერულ სადგურზე უპილოტო საფრენი აპარატებით იერიში მიიტანეს.
როგორც ირკვევა, დრონების შეტევის შედეგად ობიექტზე ხანძარი გაჩნდა. ბაშკირეთის საგანგებო სიტუაციების სახელმწიფო კომიტეტში სამრეწველო ობიექტზე თავდასხმა მოგვიანებით დაადასტურეს და აღნიშნეს, რომ უპილოტო აპარატების ჩამოგდებული ნამსხვრევების დაცემის გამო გაჩენილი ხანძრის ლიკვიდაცია მიმდინარეობდა, შემთხვევის ადგილზე კი ოპერატიული სამსახურები მუშაობდნენ. უწყების ცნობით, ინციდენტის შედეგად არავინ დაშავებულა.
საყურადღებოა, რომ ბაშკირეთის რეგიონულ ხელისუფლებას თავდასხმის ფაქტზე ოფიციალური კომენტარი ჯერ არ გაუკეთებია. თავის მხრივ, უკრაინულ მხარეს იერიშზე პასუხისმგებლობა ოფიციალურად ჯერ არ აუღია, თუმცა უკრაინის შეიარაღებული ძალები რუსეთის სტრატეგიულ ობიექტებზე დარტყმებს რეგულარულად ახორციელებენ და რთული მისახვედრი არ არის, ვისი განხორციელებულია ეს დარტყმა.
"სუბხანკულოვოს" ნავთობბაზა კომპანია "ტრანსნეფტ-ურალის" შემადგენლობაში შედის და ნავთობის მიღებას, შენახვასა და გადაქაჩვას უზრუნველყოფს. ობიექტი, რომლის რეზერვუარების ჯამური ტევადობა 40 ათას კუბურ მეტრს შეადგენს, რეგიონის რამდენიმე მაგისტრალურ ნავთობსადენს უკავშირდება და საზღვაო პორტების საშუალებით ექსპორტისთვის განკუთვნილ სისტემაში შედის.
BM.GE
წყარო: bm.ge